ليتني أعود

المنظر

حجرة بسيطة000 سرير 000 مكتب 000 مكتبة 00 إلى اليسار باب يفضى إلى الداخل 00 شباك يمين المسرح 00 شخص يجلس على المكتب

الشخص

الواحد بيتعلم ليه00 أراهن لو واحد عرف إجابة السؤال ده 00 أنا عن نفسي أتعلمت وعلام موش بطال00 وعملت أيه بالتعليم0 موش عارف00 اتحبست بين أربع حيطان00 ما نفعني لا علم ولا يحزنون 00 كان أبويا بيتعب نفسه ويعلمني ليه 00 برضه سؤال مالوش إجابة ( يقوم من المكتب 00 وينفض يديه 00 يظهر أنه كان يأكل00 ويلاحظ ذلك منم خلال صينية موضوعة فوق المكتب ) 000 آه 00 زى اللي كأن من زما ن ماأكلتش00 دى الوقتي أروح اقعد لي شوية ع القهوة 00 يمكن أقابل واحد من اصحابى القدام 00 الله اخرج ( كمن تذكر شيئا 00 ) نسيت 00 ده أنا محبوس زى المساجين 00 نهاري زى ليلى( يتقدم ناحية المكتبة 00 يسحب كتابا 00 ينظر إليه 00 يرجعه ثانيه) لا ده ما ينفعش( يسحب كتاب آخر 00 يضعه مكانه 00 يسحب آخر ) ولا ده 00 أمال أيه اللي ينفع00 كلهم حفظتهم كتاب كتاب00 وهضمت كل اللي فيهم00 لكن 00 زى اللي كأني ما قريت

صوت الأم

انت لسه سهران يا محمد00 يابنى قوم نام 00 صحتك ياابنى00 ما حديش بيعمل في نفسه كده

محمد

باقرا يا أمه 00 وهى القراية كمان حرام00 على الأقل الكتاب هو الصاحب اللي فاضل بعد ما اصحابى كلهم فاتونى

صوت الأم

بس ده على حساب صحتك يابنى

محمد

صحتي بمب والحمد لله00 ما تخافييش عليا يا أمه 00 ادونى فرصة ولو لمرة واحده اثبت فيها انى موجود

صوت الأم

ايييه00 موجود 00 مانت موجود اهو 00 وشايفاك قدامى

محمد

اثبت وجودي 00يعنى أحس انى عايش 00 عملت حاجة

صوت الأم

وانت محتاج يا بني 00 ده حتى أبوك 00ربنا يدي له طوله العمر موش حارمك من حاجة أبدا 00 وكل اللي بتطلبه بينفذهولك على طول

محمد

موش فاهم هو بيعمل فيا كده ليه0( صوت أقدام في الخارج ) 00 الظاهر إن أمي جت (يطرق الباب00 يضرب بقوة )ياأمه00 ما حدش بيرد عليا ليه00 ليه ( يرجع للخلف00 يتنهد 00 يهز رأسه ) يمكن يكون قطة 00 ولا فار ( يضحك ) القطة والفار يدخلوا زى ما هما عاوزين وانا موش عارف أخرج 00 ياريتنى كنت قطة00 ولا حتى فار00 على الأقل أكون حر00 أروح وآجى على مزاجي 00 بس لازم أشوف حل للحكاية دى ولا يمكن أسمح بالحبسة دى 00 لا ما ينفعش00 لازم أشوف لي صرفة معاهم

صوت الأب

000 زينب 000 محمد يا خسارتك يا محمد

صوت الأم

أيه يا حاج كفى الله الشر

صوت الأب

ابنك يا زينب

صوت الأم

قول لي يا حاج وقعت قلبي

صوت الأب

مات 000محمد مات يا زينب

صوت الأم ( تصرخ ) ابني 00 مات 00 امتى 00 إزاى 00 ده لسه مسافر أمبارح

صوت الأب

مات في حادثة عربية

صوت الأم

وعرفت منين

صوت الأب

عرفت من الجورنان 00 الحادثة اتنشرت00 مات هو وأربعة معاه 00 وباعتين لي عشان استلم الجثة

صوت الأم

ابني 00آه 00 آه يا ولدى 00 ابني الوحيد مات 00 مالت يا حاج

صوت الأب

إنا لله وانا إليه راجعون

محمد ( يتجه ناحية المكتب ) أكلمهم إزاى 00 أقول لهم أيه00 ادونى حريتي 00 أنا محبوس 00 ولا حد هيسمعنى 00 كل اللي عاوزينه إنهم يشوفوني قدامهم حي 00 لا رحت فين 00 ولا كنت فين 00 ولا جى منين00 ولا كنت مع مين 00 ولا قابلت مين 00 أيه اللي أخرك للوقتي 00 ريحوا بالهم من كل ده وحبسونى00 وأدى أنا زى مانا هنا بين أربع حيطان000 أتحفظوا وحفظت كل حتة في الاوضة 00 السرير 00 الدولاب 00 الكوميدينو 00 المكتب 00 المكتبة00 الباب 00 الشباك 00 فيه حاجة تانى 00 لا ما أظنييش 00 اتهريت 00 آه والله اتهريت

صوت الأب حسك عينك تفتحي له00 أو تدى له المفتاح

صوت الأم

اى يا عيب الشوم يا حاج 00 هو حد يفرط في روحه

صوت الأب

أكليه 00 شربه 00 اعمل له كل اللي هو عاوزه00 بس إياك يساهيك او تضعفي قدامه 00 ولا يمكن يصعب عليك

صوت الأم

ىه والله يا حاج محمد صعبان عليا

صوت الأب

زينب

صوت الأم

حاضر ياحاج

محمد ( يتجه ناحية السرير 00 يفتح الراديو 00 يدير المؤشر ) على الأقل يسليني ( تنبعث أغنية من الراديو ) يا ما جوه الدولاب مظاليم0000 يدير المؤشر 00 ع الباب أنا ع الباب افتح لي يل بواب 00000 ) محمد بواب ومنين أجيب بواب الوقتي عشان يفتح لي

صوت الراديو

لقى خمسة عشر شخصا مصرعهم في حادث تصادم سيارتين في طريق مصر الإسكندرية الصحراوي

محمد (يغلق الراديو ) أعوذ بالله 00 حتى الراديو 00 دى مؤامرة بقى 00 أسمع الاغانى00 يغيظوني 00 أسمع الإخبار يعكننونى ( يقفز من السرير 00 يستلقى على ظهره 00 )

صوت سمير

الله 00 موش معقول 00 مين اللي شايفه قدامى

محمد

أيه يا سمير 00 جرى لعقلك حاجة

صوت سمير

بسم الله الرحمن الرحيم

محمد

أيه يا بني

صوت سمير

000000

محمد

مالك

صوت سمير

صحيح انت محمد

محمد

نعم 0000 !!!!

صوت سمير

انت محمد

محمد

انت هتشتغلنى يا سمير

صوت سمير

نفس الشكل 00 نفس الملامح

محمد

والله العظيم عجيبة 00 الظاهر عليك أتجننت

صوت سمير

أنا موش مجنون 00 أنا عاقل وعاقل قوى 00 بس قول لى 00 انت محمد ولا واحد تانى

محمد

واحد تانى 00 أيه الكلام الفارغ بتاعك ده

صوت سمير

استني بس

محمد

ما تصلح كلامك

صوت سمير

غلطان لسيادتك

محمد

أيه الحكاية

صوت سمير

الدنيا مقلوبة عليك في البلد 00 والناس افتكرت انك مت

محمد (مذهولا ) 00

مت إزاى

صوت سمير

انت ما بتقراش جرايد ولا إيه 00 مت وأربعة معاك في حادثة تصادم في طريق مصر إسكندرية الصحراوي

محمد

حادثة 00 الطريق الصحراوي 00 أموت من غير ماأعرف 00 والله عجيبة

صوت سمير

وأيه العجب في كده 00 وتفسر بأيه اللي اتصلوا بأهلك عشان يستلموا الجثة

محمد

جثتي 00 طب مين اللي اتصل 00 وأيه مصلحته 00 واشمعنى انا بالذات

صوت سمير

وفعلا استلم أبوك جثتك

محمد

جثتي 00 أنا قدامك00 وهو أبويا ما يعرفنييش

صوت سمير

أصل الجثث كلها كانت متبهدلة ومشوهه

محمد

طب أنا كنت فيهم إزاى 00 أنا حي

صوت سمير

آه افتكرت 00 هي بطاقتك معاك

محمد

دى ضاعت منى

صوت سمير

المشكلة كلها في البطاقة 00 تصور إن أبوك استلم الجثة ومعاها بطاقتك

محمد

هتجننى يا سمير 00 بطاقتي وجثتي يا ناس 00 موش فاهم ( ينهض من السرير ويتجه ناحية الشباك وينظر إلى الخارج ) لما أشم شوية هوا أصل الواحد هيتخنق من الحبسة ( يتنهد ويأخذ نفسا عميقا ) آه 00 الله 00 الهوا هنا يرد الروح00 أمال لو كنت بره كان يبقى أيه 00 فيه حاجة لو نطيت من هنا00 لا ولا حاجة 00 رقبتي تتكسر بس وأموت 00 بس 00 شيء عظيم 00 أجرب 00 لا 00 ده أنا اتهبلت بقى00 هو حد يرمى روحه من الدور الخامس00 ممكن قوى00 واحد موش طايق نفسه00 واحد قرفان من الدنيا 00 واحد عامل عاملة وعاوز يرتاح 00 واحد طهقان من مراته

صوت الأم

انت موش هتتجوز بقى يا محمد 00 نفسي أفرح بيك وأشيل لك أولادك

محمد

أنا ما بأفكرشى في الجواز الوقتي يا امه

محمد

ليه يا بني 00 موش عاوز تتجوز ليه 00 كان زمان ولادك ماليين علينا البيت

محمد

والنبي يامه فضيها سيرة 00 لما أشوف نفسي الاول00 وأكون نفسي

صوت الأم

أبوك موش هيسيبك يا بني

محمد

وأبويا هيفضل عايش لي على طول 00 لازم يكون لى شغلانه أعيش منها

صوت الأم

وأبوك كان قصر

محمد

يامه قصر ولا ما قصرش 00 أنا راجل 00 فاهمة يعنى أيه 00 راجل 00 لازم أكون مسئول عن نفسي

صوت الأم

على راحتك

محمد

ويكون في معلومك 00 يمكن أسافر قريب

صوت الأم

تسافر 00 تسافر فين

محمد

أسافر الصحرا

صوت الأم

صحرة أيه يا بني

محمد

الرمل 00 الفضا 00 نخليه اخضر 00 عشان كله يبقى أخضر فى لأخضر 00 ونخليها جنة

صوت الأم

أبوك عارف

محمد

لسه هاقول له

صوت الأم

موش هيوافق

محمد ةهاقنعه

صوت الأم

موش هيقتنع

محمد

ساعتها ما فييش قدامى غير حل واحد

صوت الأم

أيه هو

محمد

انى أسافر واللي يحصل يحصل ( ما زال واقفا عند الشباك )ياااه 00 يا ما نفسي أكون زى دول 00 أمشى وأروح على مزاجي 00 اللي رايح شغله 00 واللي جاى من شغله 00 واللي رايح القهوة 00 واللي جاى من القهوة 00 واللي رايح السوق 00 واللي جاى من السوق00 الحرية حلوة 00 ما نعرفش قيمتها إلا لما ندوق مرارة الذل والحبس 00 وانا موش قادر أفسر أنا محبوس ليه 00 سرقت 00 لا 00 قتلت لا 00 اشتغلت بالسياسة 00 لا 00 طول عمري كنت في حالى00 المسجونين هم اللي عملوا عاملة 00 وأنا ما عملتيش حاجة 00 وكان قصدي خير والله 00 وكنت خلاص استلمت الأرض

صوت البوسطجى

سيادتك محمد حسن إبراهيم

محمد

ايوه أنا

صوت البوسطجى

جواب عشانك

( محمد كمن تسلم خطابا ويفتحه 00000 ) 00 ده بخصوص الأرض اللي كنت مقدم عليها 00 أخيرا جه الجواب 00 ياااه 00 سنتين أخيرا 000

محمد

بعد كل ده أسيبها بالساهل 00 وعشان أبويا بيخاف عليا 00 الله أعلم بمصيرها أية الوقت 00 لسه بتاعتى ولا واحد تانى استولى عليها00 ما أظنييش إن الأرض لسه موجودة 00 كله باكل فى بعضه00 وكله بيتخانق ع السنتى

صوت سمير

وهتعمل أيه في الورطة دى

محمد

أقول لك أيه بس 00 دا أنا ما صدقت انى جيت واستلمت الأرض 00 أقوم أروح لأبويا برجليا 00 يبقى هاجنى على روحي بايدى

صوت سمير

دول فاكرينك مت

محمد

ياريتنى كنت مت بجد 00 كنت ارتحت وريحتهم معايا من الخوف عليا

صوت سمير

لازم تروح الوقتي

محمد

ما أقدرش

صوت سمير

إزاى 00 فاكرها بسيطة يا بني آدم 00 دول افتكروك ميت 00 فاهم يعنى أيه ميت 00 يعنى موش موجود 00 فلازم تروح تطمنهم عليك

محمد

إزاى أروح أقول لهم غنى حي

صوت سمير

يا فالح 00 لا معاك بطاقة 00 ولا فيه إثبات انك عايش غير انك تروح لهم بنفسك

محمد

نهايته 00 عليه العوض في الأرض وتعب السنين00 وشقي العمر راح هدر عشان بيخافوا عليا00 ( ويبتعد عن الشباك00 ويتجه نا حيه المكتب 00 ويجلس عل الكرسي

محمد

هم اللي خلوني أخاف من خوفهم عليا ( يسحب درج المكتب 00 ويرفع رزمة أوراق 00 يقلب فيها ويمسك القلم )

ص الأم

انت مين يا ابني 00 بتسال على حد

محمد

أنا ابنك محمد00 يا أمه موش عارفانى

صوت الأم

بسم الله الرحمن الرحيم 00 محمد 000 محمد ابني مات ودفناه اميارح

محمد

والله انا محمد بصى لي كويس

صوت الأم

محمد 000 محمد 000 محمد

محمد

لا حول ولا قوة إلا بالله00 فوقى يا امه صوت الأم ( مصحوبا ببكاء ) محمد 00 ابني عايش 00 كان قلبي حاسس وقلب الأم ما يكدبشى ابدا00 تعالى يا ابني في حضني

محمد(يكتب )

الحرية 00 ما هي الحرية 00؟ معنى مجرد يهفو إليه كل نفس معذبة 00 لا 000 لا ( يمزق الورقة ) 00 الحرية 00 ما هى الحرية 00 أمنية غالية لكل عبد 00 لا 000 لا ( يمزق الورقة ) الحرية 00 ما هي الحرية 00 الحرية أسمى ما تحلم به الشعوب الضائعة في ظلام الطغيان 00 لا 00 لا ( يمزق الورقة ) 00 حتى إحساسي موش قادر أعبر عنه00 الكلمات بتهرب منى00 الحبر موش عاوز ينزل 00 القلم موش عاوز يكتب 00 ويكتب إزاى لواحد جبان00 بيخاف مالوش رأى 00 مالوش كلمة 00 فكره مقيد00 ولا يمكن القلم يستجيب لواحد بالشكل ده00 القلم الحر 00 كلمة00 رأى 00فكرة 00 واللي يستحق يشيله لازم يكون حر 00 حر نفسه وفكره

صوت الأب

ابني محمد عايش 00 انتى بتخرفى يا ولية

صوت الأم

زى ما بأقول لك يا حاج وكان معايا من شوية وخرج

صوت الأب

الظاهر عقلك فوت من تأثير الصدمة 00 يا حبة عيني كان في أيدينا وفجأة طار مننا

صوت الأم

يا حاج والله العظيم ، ولا ليك عليا يمين ، ابنك عايش 00 عايش 00 عايش

صوت الأب

لا حول ولا قوة إلا بالله 00 واللي دفناه يبقى مين

صوت الأم

ما يبقاش ابننا

صوت الأب

والناس دى كلها اللي عارفة إن إحنا دفناه

صوت الأم

يعرفوا إن اللي اندفن موش ابننا محمد وانه كان واحد تانى 00 وان ابننا عايش 00 آه يا حبيبي

صوت الأب

أمنت بالله

صوت الأم

وان ما كنتش مصدقنى استني لما ييجى وهتشوفة بعينك

صوت الأب

استني 00 أنا هاستنى وأستني 00 ولا يمكن أسيبه 00 ولا يفارقني أبدا ولا هاسيبه 00 ولا هيعتب بره باب البيت

صوت الأم

هاتحبسه يا حاج

صوت الأب

الله يا زينب 00احنا افتكرنا انه مات وضاعت مننا كل حاجة 00 وابننا الوحيد اللي لنا من الدنيا دى 00 وهو رجع بالسلامة 00 إزاى أفرط فيه بالسهولة دى

محمد

تفتكروا الواحد حر يقدر يكتب 00 يقدر يشتغل وينتج 00 ممكن قوى طالما الواحد مؤمن بالشيء اللي بيكتبه ولا يقدر يشتغل00 لأنه فاقد لحريته00 الشيء الوحيد اللي أقدر عليه انى أتمنى طبعا00 أنا حر احلم 00 أتمنى زى مانا عاوز ولا يكون الحلم كمان حرام ويقبضوا عليا زى ما قبضوا على الراجل اللي حلم انه أكل وزة00 آه والله قبضوا عليه لأنه اتجرا وحلم باللوزة

صوت الأب

محمد 00 يا مانت كريم يارب 00 الحمد لله انك رجعت لنا بالسلامة 00 أزيك يا ابني 00 أزيك يا محمد 00 ما تعرفشى قلبتا كان بتقطع عشانك 00 افتكرنا ك مت وانت عايش

محمد ( يكتب )

هل يختلف مفهوم الحرية باختلاف العصر 00 هل تختلف الحرية من بلد إلى بلد00 هل مفهوم الحرية ثابت لا يتغير

صوت الأب

أظن بقى00 بعد كل ده لا تقول لي صحرا ولا غيره 00 إحنا ما صدقنا إن انت رجعت 00 لا عاد فيه سفر ولا عاد فيه صحرا

( يدخل عصفور من الشباك )

محمد

( يكتب ) أن مفهوم الحرية( يلحظ العصفور ) 00 أيه ضيف جديد 00 هو بيطير كده ليه00 فرحان انه حر وبيغيظنى 00 طب والله لأحسرك على حريتك ( يغلق الشباك 9 بقينا إحنا التنين في الهوا سوا00 ريح نفسك م الطيران00 موش هتخرج الباب مقفول ومفتاحه موش معايا00 بس الشباك أقدر أفتحه00 أبويا حابسنى وقافل عليا00 موش راضى يدينى حريتي عشان خايف عليا 00 وانا حبستك هنا عشان عاوز صاحب أشكى له همومي وآلامى00 ل ما الواحد يطق00 بالذمة ده كلام 00 وفيه حد يستحمل اللي أنا فيه00 كان زمانه انتحر00 أنا موش فاهم لحد امتى هفضل كده 00 العمر بيجرى زى الساعة وانا محلك سر00 ما فييش جديد 00 وانا جيت الدنيا ليه 00 عشان أتحبس بين أربع حيطان 00 حي عشان ما يكو نشى ليا رأى ( يضرب رأسه ) طب وقلى ده لزمته أيه00 أركنه00 ماأفكرشى بيه 00 ما كنت أبقى حمار أحسن 00 لأكل واشرب وأنام ويقولوا إنسان

صوت الأب

ما تحاولش معايا 00 خروج موش خارج 00 وهتفضل محبوس جوه الاوضة 00 وما فييش خروج بره البيت 00 ويا ويل أمك لو فتحت لك

محمد

أيه يابا أنا بنت عشان تمنعني من الخروج

صوت الأب

لا ولد ولا بنت 00 ما أنتاش هتخرج 00 عاوز اى حاجة تجيلك 00 تشم هوا عندك الشباك افتحه 00 بس خروج لا

محمد

0 يضرب كفا بكف ) كل ده عشان أيه رسالة وصلتك انى مت 00 يا ريتنى كنت مت

صوت الأم

بعيد الشر يا بني

محمد ( يستلقى على السرير 00 ولا زال العصفور يطير 00 ) أبويا فكره انه لما يحبسني هيمنع عنى الموت 0. ( للعصفور ) بتدور على الحرية 00 ما تحاولش00 إحنا هدفنا واحد00 لكن ما باليد حيلة ومأقدرش أفتحه 00 ولعلمك مصيرك هيتربط معايا 00 يا نعيش سوا يا نموت سوا ( صوت العصفور ) أيه كلامي موش عاجبك 00 عندك حق 00 واحد حابسك 00 وهتعمل له أيه ولا حاجة 00 انت ضعيف ومسكين00 وبعدين لو مت 00 هيكون ذنبك في رقبتى00 لما أخرجك أحسن 00 طب لما أنا قلبي عليك 00 ما حدش قلبه عليا ليه 00 واللي قلبه على حد يحبسه00 يعنى أنا قلبي عليك00 ( يخيل أليه صوت حركة في الصالة ) أنا سامع صوت حد بره00 لما أقوم أشوف ( يتجه ناحية الباب 00 يطرق الباب ) يا أمه 00 برضه ما حدش عاوز يرد00 العالم دى فاكره أيه( يطرق الباب بشدة ) يا امه( بأعلى صوته ) افتحي يا امه00 الواحد تعب وصوته راح( للعصفور ) فرحان فيا يا اخويا00 عندك حق ماهو اللي يشوف بلوه غيره تهون عليه بلوته( يتوقف العصفور عن الطيران00 يقف أعلى المكتبة ) 00 هبطت00 ما فييش فايدة00 صحيح انت تعبت وانا تعبت00 وما حدش بيرتاح أبدا في الدنيا دى 00 من ساعة ما يتولد لحد ما يموت00 مكتوب عليه التعب 00 انت مثلا ( للعصفور ) مانت حر بس ما بتعشى بالساهل 00 يا عيني تقوم من بدري تدور ع اللقمة00 وترجع عشان تـكل ولادك00 ويا عالم الصيادين هيسيبوك ترجع لهم ولا ماهترجعش 00 وتلاقى أولادك مستنيينك عشان ياكلوا00 وما يعر فوش مصير أمهم 00 والله أعلم أبوهم انه مقبوض عليه ومحبوس00 ليه ما يعر فوش 00 طب وذنبهم أيه لما أشردهم وأحبسك 00 ممكن يموتوا من الجوع00 وبدل ماأتسبب في موتك هتسبب في موتك انت واولادك00 ساعتها ما هاسامحشى نفسي ده حتى ضد رجولتي 00

صوت الأم

يا عيب الشوم 00 دا انت راجل وسيد الرجالة

محمد

وساعتها يكون أبويا عنده حق لما حبسني لأني بقيت قاتل 00 ايوه قاتل00 واتسببت في تشريد أسرة بحالها 00 ويا عالم انت كمان لك كام أسرة00 واحدة ولا اتنين00 ما يمكن يكون عينك زايغة زى البني أدمين 00 لما أفتح لك الشباك ( يفتح الشباك ) والوقتي أتفضل انت حر 00 وادعى ربنا يفك سجنى00 أنا كمان ونكون إحنا الاتنين أحرار 00 وعشان خاطرى00 الله لا يسيئك ما تقولشى لأولادك على اللي حصل لأحسن ساعتها آخد دعوة00 وانا موش ناقص( العصفور لا يزال على المكتبة )00 موش عاوز تخرج00 ولا يمكن أكون صعبان عليك 00 لا ما يصعبشى عليك غالى00 يلا بقى قبل ما ارجع في كلامي( يتجه ناحية الشباك 00 ينظر إليه متعجبا ) 000 موش عاوز تمشى ليه 00 صعبان عليك حالىواللى أنا فيه00 تعالى شوف يا با00 تعالى شوفي يا مه 00 اللي حاسين بحالي وانتوا موش داريين باللي تعملوه فيا 00 فين صدرك الحنين اللي أترمى عليه ةاشكى له همومي 00 ياللى منتوش حاسين باللي فيا 00 ردوا عليا 00 تخافوا عليا وتهاودي أبويا 00 أقول أساوه 00 لا موش أساوه وعمر الأم ما تبقى قاسية 00 ده حتى أنا منها وحته منها 00 إن كان ده حالك 00 راح موش هيطول 00 راح ييجى يوم 00 وان ما كانشى بكرة 00 يبقى بعده 00 يوم 00 أسبوع 00 شهر 00 سنة 00 وانت يا با 00 تكره لي انى أكون حاجة 00 اى حاجة 00 ده أنا ابنك 00 أنا منك وانت منى 00 خالفتك مرة عشان أبقى حاجة00 موش لك ولا لنفسي 00 ده لينا كلنا 00 بلدنا يابه بتنادينا وإحنا لازم نلبى نداها00 انت وامى وانا 00 وكل واحد فين 00 ترضى لابنك الخيانة 00 الخيانة موش من طبعي 00 راح أصبر والصبر طيب 00 ويمكن يكون فرجه قريب 00 وتضحك لي الدنيا وتبقى حلوة 00 ساعتها أقول 00 شوفوا بلدىوفخرى أنى أكون منها وانت ياصاحبى ( للعصفور ) موش ممكن هنسى موقفك النبيل 00 شارب من النيل صحيح00 واللي يشرب منه يكون نبيل وأصيل00 ولا يمكن يكون خسيس00 رغم اللي عملته فيكو حرمتك من أغلى حلم 00 ايوه حلم لأن تحقيقي له موش بايدى00 ولو كان بايدى موش ده طريقي 00 إن أقعد محلك سر بين أربع حيطان 00 وأقعد أخبط ع الحيطان 00 ده موش هدفي 00 أمانة عليك يا صاحبي 00 ابقي افتكرني وعدى عليا 00 ما تخافشى منى 00 دى كانت غلطة00 موش هكررها 00 تعمل أيه لواحد متهور 00 سميها زى ما تسميها 00 بس اوعى تنسانىوانت بين ولادك 00 ما تنساش وانت طاير 00 سلم لي على الفلاح اللي بيعزق أرضه وكل واحد بيحب بلده ( يطير العصفور 00 يلوح محمد له بيده)

مع السلامة 00 مع السلامة يا صاحبي

ستار

بورسعيد

في الأحد 10/4/19995

ليتني أعود

ليتني أعود

رد: ليتني أعود

رد: ليتني أعود

رد: ليتني أعود

رد: ليتني أعود