السقوط

مسرحية ذات مشاهد

الشخصيات

سليم شاكر

صافيناز

طارق

المذيع

لاعبو الكرة

فى ملعب الكرة 0000إلى اليسار المرمى يقف فيه الحارس المشهور سليم شاكر 000 جماهير الكرة 00 التي هي فى الوقت نفسه جماهير المسرح00 يسمع أصوات هتافات الجماهير

الأصوات

أدى أدى له000 دى موش كوره دى مزيكا 00 يا نجوم يا مدرسة لعب وفن وهندسة 0000 ( يتداخل صوت المذيع مع أصوات الجماهير 00 حتى يصبح واضحا تماما 000 )

المذيع

مباراة اليوم الهامة بين فريقي السواحل والنجوم فى إطار مباريات الدوري العام 00 وستحدد هذه المباراة الفائز ببطولة الدوري العام00 حيث يتساوى الفريقان فى مجموع النقاط ولكل منهما خمسة وأربعون نقطة000 وبدأت المباراة 00 ( الكرة يتناقلها اللاعبون0000 كرة هنا وكرة هناك00000 )

المذيع

ويصد سليم شاكر كرة جميلة ويمنع هدف مؤكد لفريق السواحل

00 ( ويسمع هتاف الجماهير 00)

الجماهير

سليم يا سليم00 سليم يا سليم

( تتداخل أصوات من خارج المسرح مع هتافات الجماهير0000 ويسمع صوت رجل وامرأة يتحدثان

ص الرجل

وآخرة العلاقة دى أيه يا صافى

ص صافى

وانت إيه اللى مزعلك يا سليم

ص سليم

الراجل الغليان ده ذنبه إيه

ص صافى

طارق 00 سيبك منه00 ده لا بيصد ولا بيرد00 وبعدين زهقت منه

ص سليم

ولما انتى زهقتى منه000 ما بتطلقيش منه ليه

ص صافى

ولما يموت مين اللى هيورثه00 وكل الفلوس دىمين اللى هيورثها00 طبعا انا00 م كفاية أنى استحملته عشر سنين وعمالة استني موته000 موش عاوز يموت( يتداخل صوت المذيع فى الحوار0000000 )

المذيع

وهجمة مرتدة خطيرة للسواحل00 الكورة مع حسام00 حسام يديها لهيثم00 يشوط هيثم شوطه جامدة فى المقص اليمين 00 يطير عليها سليم ويخرجها ضربة ركنية وتضيع فرصة تانية للسواحل

ص سليم

لازم نخلص من طارق باى طريقة 000 موش قادر استحمل

ص صافى

صبرك شوية00 ما تستعجلشى 00نستنى السر الالهى لما ييجى له

ص سليم

امتى بس

ص صافى

هنخلص منه إزاى 00 انت عارف هنروح فى سين وجيم والعملية موش ناقصة

ص سليم

هخلص لك عليه

ص صافى

يبقى هتبوظ لنا كل اللى باعمله

ص سليم

موش قادر يا صافى

ص صافى

فات الكتير مابقى إلا القليل

المذيع

ويمر شوقي من لاعب والتاني 00 ويعرقلهرمزىة00 يقع شوقي على الأرض ويحسب الحكم ضربة جزاء للسواحل 00 ( تهتف الجماهير وتهلل 00000 )

الجماهير

سواحل 000 سواحل 00 هايل هايل يا سواحل 00 وريهم وريهم 00 أدى أديله

المذيع

احتجاج من لاعبي النجوم000 0 ويرى ازدحام فى المسرح 0)

المذيع

قرار الحكم ما منوش رجعة00 وفضي الملعب وداخل شوقي عشان يشوط00 واقف سليم شاكر فى الجول 00 ( يتقدم اللاعب ويقذف الكرة تجاه المرمى00 يطير عليها سليم شاكر ويخرجها ضربة ركنية 00 )

المذيع

الله 00 الله عليك يا سليم 00 والله نجم المباراة شايل بلاوى00 ويصد ضربة جزاء ويمنع تقدم السواحل 00 ( وهتاف الجماهير00 وتختلط
أصوات طارق وصافى مع أصوات المباراة 000 9

ص طارق

ناوليني الدوا يا صافى

ص صافى

ما تتحرك تخده

ص طارق

حرام عليك أنا على السرير 00 وموش قادر أتحرك00 انتى بتعملى كده ليه يا صافى00 أنا ضيعت عمري عشانك

ص صافى

وانا ضيعت شبابي معاك00 عشر سنين وانا مستحملاك00 وشغالة لم\ك ممرضة

ص طارق

انتى اتغيرتى قوى00 وما عتيش طايقانى من يوم ما اتشليت

ص صافى

لا عدت طايقاك ولا طايقة العيشة معاك

ص طارق

والعيشة مع سليم أحسن

ص صافى

سليم مين

ص طارق

أنا موش نايم على عينيا هانم00 وعرفت كل حاجة00 قلت أدى لك فرصة واتنين لكن للأسف يا صافى انتى دمرتى كل حاجة بايدك

ص صافى

موش عاجباك 00 طلقني

ص طارق

أطلقك بعد أيه00 بعد ما اخدتى كل حاجة بالتوكيل اللى عملته لك

ص صافى

ده حقى00 واللا انت شايف غير كده

ص طارق

أشوف أيه ولا أيه00 شايف كل حاجة وموش قادر اتكلم00 لما اتشليت واترميت زى الكلب 00 بشحت العطف والحنية منك 000 عمالة تتسرمحى مع سى سليم بتاع الكورةعمال على بطال00 ولا عاملة اعتبار ولا حساب لجوزك

ص صافى

جوزي 00 اسم الله يا جوزى00 با مارة إيه 00 بإمارة الحب اللى اديتهولى00 بإمارة إن نفسي أحس انى ست زى الستات00 بإمارة موش قادر تدينى اللى مفروض اى ست تخده من جوزها00 بأمارة إن نفسي ابقي أم

ص طارق

كفاية 00 كفاية 00 حرام عليكى ما تكمليش

ص صافى

سنة والتانية00 قلت ممكن يحصل والتالتة والرابعة لغاية ما زهقت

ص طارق

لا 00 كفاية

( يسمع صوت بكاء شديد خلف المسرح 0000 9

ص المذيع

يرفع سليم الكرة عاليا ألى منتصف الملعب00 يلمها شلبي على صدره00 ويمشيها لقدام نا حية اليمين عند عبودة00 بينيه جميلة لشوشة وماشى شوشة 00 يعدى من واحد وماشى ناحية المرمى ويشوط شوطه جميلة يخرجها كيمو ضربة ركنية00 يلعبها شوشة من ناحية الشمال00 يرفعها داخل التمنتاشر ويطلع الجول رمزي فى الهوا ويقابلها كيمو برأسه جوه الجول 00 جووول 00 الجول الأول للنجوم 00 ( هتاف من الجماهير 000 يا نجوم يا مدرسة لعب وفن وهندسة 00 أبطال الدوري أهم 00 أهم

00 أهم 00 أهم

المذيع

ويتقدم النجوم 1/صفر بضربة رأس جميلة لكيمو ويتساوى رصيده مع أحمد بلال لاعب الاهلى 00 وفرصة لكيمو لتسجيل هدف آخر ليفوز بلقب الهداف 00 وهيسنطر فريق السواحل00 جابر يمشى الكورة لشوقي 00 ماشى شوقي بالكورة ويلعبها طويلة قدام عند حسام00 حسام يشوط شوطه جامدة 00 يمسكها سليم على مرتين

ص سليم شاكر

انتى بقيتي فى دمى يا صافى 00 موش قادر استغنى عنك 000 بحبك 00 بحبك

ص صافى

وانا بأموت فيك

ص سليم

ما فييش قوة فى العالم هتقدر تفرقنا ولا تبعدني عنك

ص صافى

نفسي انا وانت نبعد بعيد 00 بعيد عن الناس كلها ونبقى فى حتة لوحدينا 00 عشان تبقى ليا لوحدى 00 أنا وحدي وبس 00 ولا يمكن اسمح لواحدة تانية تاخدك منى بعد كل اللى عملته عشانك

ص سليم

ما تقولييش الكلام ده يا حبيبتي 00 انا لك على طول 00 على طول العمر ومأقدرش استغنى أبدا عنك

ص صافى

أمال البنات اللى أشوفها معاك فى النادي على طول دول أيه

ص سليم

دول معجبين يا حبيبتى00 وزى اى نجم لازم أجاملهم 00 وما فييش غيرك انتى فى القلب

ص صافى

يا حبيبي

ص طارق

صافى 00 يا صافيناز 00 كوباية ميه00 عطشان 00 موش قادر

ص سليم

يا باى 00 موش هتموت بقى

ص صافى

أف 00 عكننت عليا الله يعكنن عليك

ص طارق

يا صافى

ص صافى

امتى بقى هرتاح منك

ص المذيع

وكرة جميلة يخرجها سليم شاكر بصعوبة00 وواقع على الأرض 00 والظاهر أتخبط بالعارضة00 ونازل فريق العلاج 00 وسليم ماسك دماغه00 يا ترى هيقدر يكمل00 وقام الحارس الاحتياطي يسخن00 ويسأله ا لمدرب هيقدر يمل ولا لا00 وشكله مصمم عل اللعب 00 طبعا موش عاوز يفوت اليوم العظيم ده00 وعاوز يحقق لنفسه أنجاز شخصي 00 وسليم شاكر مرشح لجائزة أحسن حارس مرمى هذا العام00 والحقيقة هو لاعب كبير00سواء على المستوى الدولي أو المستوى المحلى 00 ولعب تسعين مباراة دولية00 واخد أحسن حارس فى أفريقيا تلت مرات00 وأحسن لاعب فى إفريقيا مرة واحدة00 انجازات وانجازات00 وبالفعل قام سليم00 وهيكمل المباراة00 ويلعب ضربة المرمى 00 طويلة قداملكيمو00 ماشى كيمو00 ويشوط كوره عالية فى ىالسما 00 ها 00 ها ها 00 ويصفر الحكم على نهاية الشوط الاول00 بتقدم النجوم على السواحل 1/ صفر 00 أحرز الهدف اللاعب كمال العيسوي الشهير بكيمو

ص طارق

حرام عليكى اللى بتعمليه فيا ده 00 ارحميني وراعى شعوري

ص صافى

ارحمني وطلقني

ص طارق

أطلقك عشان تتجوزي الواد بتاع الكورة

ص صافى

أتجوز بتاع الكورة ما اتجوزشى 00 شيء يخصني أنا بس

ص طارق

موش هنولك اللى فى بالك يا ست هانم 00 وهسيبك متعلقة زى البيت الوقف

ص صافى

وانا هسيبلك البيت وأهج 00 أنا زهقت خلاص منك 00 إيه اللى جابرنى على كده00 ما عتشى منك فايدة 00 نسيت نفسي معاك

ص طارق

ولقيتيها مع عشيقك يا خاينة

ص صافى

ايوه عشيقي وباخد منه اللى ما تقدرشى تديهولى

ص طارق

وكمان بتعترفى يا فاجرة

ص صافى

إياك موش عارف بالعلاقة بيني وبين سليم 00 لا انت عارف وساكت 00 عارف ساكت ليه

ص طارق

خلاص 00 خلاص كفاية 00 موش طايق نفسي 00 عاوز أموت 00 ما بقيتشى طايق العيشة دى 00 موتيني 00 خلصي عليا00 ريحي نفسك وريحينى

ص صافى

لا موش هاريحك 00 هسيبك كده تموت من نفسك00 وهتموت بحسرتك00 لا انت هتهمنى ولا هتهمنى

ص طارق

سليم اللى يهمك 00 عشيقك اللى عمال يتمتع بفلوسي ونايم فى سريري

ص صافى

سليم هو جوزي الحقيقى00 عارف ليه 0

ص طارق

عشان عاجز 00 عارف هى دى الحقيقة المرة اللى موش قادر أخفيها 00 وتفتكري لو كنت قادر كان الحال أتغير

ص صافى

قادر ولا عاجز00 انت موش فى دماغي ولا عمر ما فكرت فيك00 خدتنى قطة مغمضة من بيت ابويا00 وكنت صغيرةواتجوزتك وأنا مااعرفشى ا أيه هو الجواز00 بنت عندها أربعتا شر سنه تتجوز راجل عنده خمسة وخمسين سنة0 تقول له بابا ولا تقول له عمو00 نسيتني معنى الحياة ومعنى الحب00 وعمري ما حسيت أنى واحدة ست عاوزة تحس بنفسها00 ولا تعيش حياتها زى اى ست00 ياااه00 ولو كنت قادر هتفرق فى أيه00 وانا كنت محتاجة الحب 00 حضن يدفينى00 أيد تاخد ني وتورينى طريقى00 لا يا طارق 00 صعب

ص طارق

نبدأ من جديد يا صافى وهكون خدام تحت رجليك 00 هفتح معاك صفحة جديدة 00 هعمل لك كل اللى انت عاوزاه00 هخلى لك الأيام الجاية كلها عسل فى عسل 00 وموش هتحتاجى لحاجة أبدا00 هديل الحب 00 الحنان 00 هحميك بعمري 00 هافديك بحياتي

ص صافى

كلام جميل يا طارق 00 لكن ده متأخر قوى

ص طارق

ما لكنش 00 ادينى فرصة تانية00 هتعالج وأرجع إنسان تانى00 وهتخللى عن انانيتى00 خلاص هبقى بتاعك لوحدك

ص صافى

موش بايدى 00 أنا قلبي بقى مع واحد تانى

ص طارق

مع الواد بتاع الكورة00 صدقيني بيلعب بيكلى00 ده طمعان فى القرشين اللى معال

ص صافى

سليم موش محتاج 00 نجم مشهور ومعاه اللى يكفيه00 إيه هتحتاجه منى

ص طارق

صدقينى هتندمى

ص صافى

وانا لسه هندم00 ما ضاعت حياتي معاك خلاص

المذيع

مرة أخرى سيداتي آنساتي سادتىومع الشوط الثاني من المباراة التاريخية بين السواحل والنجوم00 انتهى الشوط الأول بتقدم النجوم1/ صفر أحرزه كيمو00 ولو انت قاعد فى الدرجة والتالتة هيكون النجوم على يمينك والسواحل على شمالك00 وملخص أحداث الشوط الأول هجمات متبادلة من الفريقين وأضاع السواحل ضربة جزاء00 وأحرز للنجوم كيمو من ضربة رأس رائعة00 ( يتناقل اللاعبون الكرة00 هتاف الجماهير00 أصوات مختلفة00 الحكم يشهر الكارت الأصفر لأحد اللاعبين 00 )

المذيع

إنذار للاعب شوشة لتعمده الخشونة مع لاعب السواحل رمزى00 وفاول من مكان متميز عند التمنتاشر ياردة والكور دى بيتميز بيها رمزي 00 ويمكن يلعبها00 وفعلا يلعبها رمزى00 ويشوط ع المقص 00 يطير عليها سليم ويخرجها ببراعة 00 الله عليك يا سليم

ص صافى

أيه يا سليم 00 موش قادرة أتلم عليك 00 كل ما اتصل بيك00 ألاقى الموبايل مقفول 00 اتصل ع البيت ماحديش بيرد00 فى النادي مرفوع م الخدمة00 يكو نشى بتهرب منىوالا أيه00 ما هو اسمع لما أقول لك00 دخول الحمام موش زى خروجه00 ساعتها عليا وعلى اعدائى

ص سليم

صبرك عليا شوية يا حبيبتي 00 انتى عارفة إن الدوري قرب ينتهي ومحتاجين تركيز الفترة اللى جاية00 وإحنا عاملين معسكر مغلق من زمان

ص صافى

أنا ما باكلشى من الكلام ده 00 هتحاول تلعب بديلك كده ولا كده0 موش هيحصل لك طيب 00 هموتك 000

ص سليم

وانتى لسه هتموتينى 00 مانتى موتيني من زمان من يوم ما عرفتك وموش قادر استغنى عنك00 وباستني موت طارق بفارغ الصبر عشان نتلم ونتجوز

ص صافى

صحيح يا سليم00 عاوز تتجوزنى

ص سليم

ولا يمكن أتجوز واحده تانية

ص صافى

يا حبيبي يا سليم 00 وانا موش هاكون لحد تانى

ص المذيع

ورمية التماس لصالح النجوم يلعبها كيمو00 يديها لشوشه00 شوشة يلم الكورة 00 يقطعها منه الدفاع 00 وينضف المنطقة طويلة قدام يلمها هيثم على صدره00 يديها بينها لحسام00 حسام داخل ع التمنتاشر 00 لكن يقطعها منه أبشر 00 طويلة قدام لعبد السلام لكيمو 00 كيمو يشوط شوطةأى حاجة ضربة مرمى للسواحل00 يلعبها على طول رمزي قدام تطلع رميه تماس وماشى عبد السلام على مهله00 الحكم يستعجله00 ( يتجه لاعب من السواحليدفعه00 يقع على الأرض 00 يشتبك اللاعبون مع بعضهم البعض 00000 ) موش قادرين نفهم أيه اللى بيحصل00 دى كانت المباراة ماشيه عال العال لغاية ما حصل اشتباك بين اللاعبين( ينزل رجال الأمن لتفريق اللاعبين عن بعضهم 0000 )

المذيع

والمفروض يبقى شكلنا حضارى00 المباراة دى بتتذاع على الدول الأوربيةوالعربية00موش عاوزين ندى للناس دول صورة وحشه عن الكورة فى بلدنا 000 لازم نظهر بالمظهر الحضارى00 ده احنا أصحاب حضارة من تلت تلاف سنة000 عيب كده00 دى موش أخلاق أحفاد الفراعنة ( يفرق رجال الأمن اللاعبين عن بعضهم البعض 00 ويخرج الجهاز الفني للفريقين

المذيع

والحكم يطلب من اللاعبين دخول الملعب00 يمتثل اللاعبون لأوامر الحكم00 ( يشهر الحكم الكارت الأحمر فى وجه ؟أحد اللاعبين 00 ) وكارت أحمر للاعب أبشر سامى00 ( يمتنع اللاعب عن الخروج00 )

ص صافى

ممكن تجيب المفتاح

ص طارق

موش هتخرجى

ص صافى

انا بأقول لك ادينى المفتاح يا طارق

ص طارق

وانا قلت موش هتخرجى 00 انا عاوزاك هنا جنبي

ص صافى

وانا موش عاوزاك 00 وموش عاوزة أقعد جنبك

ص طارق

انتى مراتى وليا حقوق عليك

ص صافى ( تضحك ضحكة مدوية )

حقوق 00 اسم الله يا حقوق 00 كان فين الكلام ده من زمان 00 جى تدور عليه بعد أيه

ص طارق

وأيه اللى صبرك ع القعاد معايا 00 ما كان ممكن تطلقي من زمان00 لكن طمعك وجشعك هم اللى صبروك لغاية مافى لحظة ضعف اديتك كل حاجة وبقيت تحت رحمتك00 وياريت تمر فيك00 عضيتى الأيد اللى اتمدت ليك

ص صافى

حقي ولا موش حقي

ص طارق

حقك فى أيه00 انك تخوني جوزك مع واحد تانى لغاية مابقت سيرتك على كل لسان وخليتي سمعتي فى الوحل

ص صافى

أنا موش عاوزاك 00 طلقني 00 بأقول لك طلقني

ص طارق

لا يمكن 00 نجوم السما أقرب لك

ص صافى

ما تخلينيش ألجا للمحاكم00 انت عارف الحكم هيبقى فى صالحي

ص طارق

عندك المحاكم 00 روحي ارفعي قضية

ص صافى

ادينى المفتاح

ص طارق

نجوم السما أقرب لك

00 المفتاح رميته فى الشارع 00 واحتبست انا وانتى 00 بقينا فى قفص واحد

ص صافى

انت جبان

ص طارق

وانتى خاينة

00 ( يتداخل صوت الجماهير مع صوت صافى وطارق وأصوات جماهير المسرح التي هي فى الوقت ذاته جماهير الاستاد00 حتى لا نكاد نميز الأصوات من بعضها البعض

ص المذيع

ويمتنع اللاعب أبشر سامي عن الخروج00 وينظر الحكم فى ساعته ولا نكاد نميز اللاعبين ورجال الأمن يحاولون تفريق اللاعبين وحماية الحكم وينظر الحكم فى ساعته لإعطاء مهلة عشر دقائق لأبشر سامي بالخروج من الملعب00 ماذا يقول القانون هنا 00 إذا لم يخرج اللاعب يصفر الحكم بانتهاء المباراة2/صفر لصالح النجوم ويفوز بالدوري العام هذا الموسم (00 وبالفعل نسمع صفارة الحكم التي تعلن عن نهاية المباراة00 فوضى فى الملعب000 اشتباكات اللاعبين مع بعضهم البعض 00 وتتداخل الأصوات طارق وصافى وسليم والمذيع والجماهير00 وتتعقد الأمور00 ورجال الأمن يحاولون السيطرة على الموقف 000 )

ص صافى

بأقول لك هات المفتاح

ص طارق

موش هتخرجى

ص صافى

غصب عنك هاخرج

ص طارق

موش هتقدرى 00 0 يرفع مسدس فى وجهه 00 )

ص صافى

هتعمل لأيه يا مجنون

ص طارق

هاريحك وأريح نفسي من العذاب اللى انا عايش فيه

ص صافى

اعقل يا طارق وأنا هاعمل لك اللى انت عاوزه

ص طارق

فات الأوان 00 بعد ما ننهى كل شيء 00 بعد ما اتحطمت00 بعد ما فقدت رجولتى00 بعد ما اتشليت00 بعد ما كتبت لك كلحاجه00 لا 00 كل شيء انتهى

ص صافى

هنفتح صفحه جديدة مع بعض

ص طارق

ارجعي عندك00 ولا حركة00 هافرغ المسدس فيك

ص صافى

اعقل يا طارق

ص طارق

أنت خليتي فيا عقل

ص صافى

اعقل يا مجنون 00 لا 00 لا

( صوت طلقات رصاص 00 صرخات 00 لا 000لا وفى نفس الوقت نسمع طلقات رصاص في الاستاد00 يخرج كل من في الملعب مذعورين00 سليم سامي على الأرض غارقا في دمائه

ستار

بورسعيد في الأحد 29/12/2002

السقوط

السقوط

رد: السقوط

رد: السقوط

رد: السقوط

رد: السقوط