حرامي تحت التمرين

المشهد الأول

حديقة عامة000 يجلس سيد وتوكل إلى يمين المسرح على إحدى الدكك000 وإلى اليسار مترددون وأشجار وأطفال يلعبون 000

سيد

بقالى مدة وأنا عمال أدرس المكان00 امتى يفتح امتى يقفل 00 امتى العمال يروحوا

توكل

ومتى التنفيذ

سيد

بكرة الساعة اتناشر بالليل

توكل

واشمعنى الساعة اتناشر

سيد

على بال ما المحل يقفل 00 بعدين تشوف شغلك

توكل

وانت هتروح فين

سيد

هاستناك على بال ما تشطب ع الخزنة

توكل

بالسهولة دى

سيد

عامل خطة ما تخريش المية

توكل

الخوف لا تخر على دماغى أنا لوحدى

سيد

انت خايف ليه00 جمد قلبك يا توكل

توكل

ما تنساش ان دى أول مرة

سيد

طاوعنى 00 وبعدها هتعيش ملك

توكل

على رأيك 00 الواحد لازم يعيش ويتمتع بالدنيا بدل الفقر اللى احنا فيه

سيد

الواحد اتشاقى كتير 000 اتشردت 00 سرقت 00 دخلت السجن 00 اتبهدلت 000 وهتكون دى آخلر عمليةوبعدها أتوب

توكل

وأنا أهى عملية والسلام00 واتوب خالص

سيد

هنعيش بعدها ملوك 00 ويبقى معايا فلوس كتير 00 كتير قوى ( يضحك بهيسترية)

توكل

والتنفيذ هيكون إزاى

سيد

خطة لا يمكن تخطر على بال شرلوك هولمز نفسهمن غير خساير ومجهود

توكل

شوقتنى

سيد

أنا وأنت هندخل المحل 00 عادى زينا زى أى زباين 00 وخنعمل إن إحنا بنشترى وبنسأل عن الأسعار

توكل

علشان نعاين المحل من جوه

سيد

ونعرف طريق الخزنة فين بالضبط 00 عشان ما نضيعش وقت 00 انت هتقوم تسيبنى وتروح دورة المية وتستخبى هناك

توكل

وافرض اذا حد قفشنى وانا داخل

سيد

واحد جوه دورة الميه00 بالعقل كده داخل ليه

توكل

وأخرج أمتى

سيد

هتفضل مستنى لحد ما المحل يتقفل 00 وتقوم تخرج الساعة اتنين بالظبط على بال ما الأمور تهدى 00 تقوم تخرج وتشطب على الخزنة وتقفلها زى ما كانت

توكل

وهاخرج ازاى

سيد

زى ما دخلت بالظبط 00 تفضل مستنى لغاية الصبح على بال ما المحل يفتح ويتملى بالناس تبدأ تخرج ولا من شاف ولا من درى

توكل

الله على أفكارك يا أبو السيد 00 دى خطة ولا الجن الزرق يعرفها ولا شرلوك هولمز نفسه على رأيك يقدر يفقسها 000

وهنبقى اغنيا 00 ونعيش ملوك

ستار

المشهدالثانى

داخل أحد المحلات الكبرى 0000 إلى اليمين باب الدخول 00 باب زجاجى كبير يفضى لإلى الخارج مكتوب عليه إدفع الباب إلى الداخل 00 وإلى الوسط 00 تابلوه كبير مخطوط عليه سورة الإخلاص وفاترينات وأرفف عليها بضاعة المحل من الملابس 000 وإلى اليسار 00 فاترينات عرض 00 مكتب المدير وبجواره خزينةالمحل 00 وأعلاه ساعة تشير إلى الثانية عشرة إلا ربعا00 ويسمع صوت جلبة فى المحل 00 زبائن تدخل وزبائن تخرج 00 يدخل المدير محييا الجميع 0 والكل يقفون وينهمكون فى أعمالهم 000 ويدخل سيد وتوكل ويتجهان إلى وسط المسرح 00 ويقلبان فى الملابس 000 ويلتفت توكل حوله يمينا ويسارا كأنه يحفظ معالم المكان 000 ( الساعة تشير إلى الثانية عشرة 00 يأخذ الزبائن فى النصراف رويدا رويدا 00 ويتجه سيد وتوكل إلى اليمين

سيد

دى الوقتى انت هتدخل دورة المية وتختفى هناك ونجاح الخطة يعتمد على شجاعتك 00 ودا لو حد ما فكرش إنه يخش دورة الميه ساعة الانصراف

توكل

ما تقلقشى كله هيكون تمام ان شاء الله

( يختفى أقصى اليمين 000 وينصرف سيد خارج الباب الزجاجى 00 ويرى انصراف الموظفين واحدا بعد الآخر )

المدير

( يهم بالنصراف ) اقفل الباب كويس يا شعبان وأمن على الأبواب والأنوار

شعبان

حاضر يا باشا

المدير ( خارجا من اليمين 00 وتشير الساعة إلى الثانية عشرة 0 وتطفا الانوار تدريجيا فى المسرح 000 حتى يظلم تماما 00 ويسمع صوت غلق الابواب 00 وصوت دبيب أقدام بايقاع منتظم 000 ودائرة ضوئية تحيط بتوكل 000 ويتلفت حوله يمينا ويسارا00 وينظر فى ساعته

توكل

الساعة بقت اتنين 00 وبقالى ساعتين محشور جوه دورة الميهمستنى الفرج لغاية ما كانت هتروح عليا نومة 00 ويضيع منى حلم عمرىةأكون غنى 000 وأودع عيشة الفقر ونومة فوق السطوح دى 00 وهأعيش فى فيلا ويكون فيها جنينة كبيرة قوى وحمام سباحة عشان أبلبط فى المية 00 وأركب عربية آخر موديل 00 وأشيل موبيل زى البهواتالكبار00 والكل ينادينى 00 توكل بيه00 توكل بيه جه 00 توكل بيه راح 00 يا سلام دا الواحد موش عايش يا جدعان000 ( يهز رأسه كأنه يستفيق من حلم00 ) ودى الوقتى خش فى الجد 00 وأشط ع الخزنة 00 زمان سيد مستنيك علشان نقسم التركة سوا ( يضع يده على ذقنه 00 ويتأمل مليا

ويقاسمني ليه إن شاء الله 00 أنا اللى تعبت وممكن أروح فى داهية 00 أقوم أدى له النص 00 لا كفايه عليه الربع 00 وليه الفربع00 ولما أتمسك هينفعنى ويطلعنى من السجن 00 كفايه عليه عشرة فى الميه00 دى حتى عشرة فى المية شوية 00 أدى له قرشين والسلامأسكته بيهم 00 وعلىأيه 00 موش هيطول منى ولا مليم00 يرمينى فى النار وبعدين يقول لى هات000 ده بعده00 ( يجلس على المكتب 00 ) آه 00 يا سلام 00 كان زمانى الوقتى قاعد على واحد زى ده 00 منهم لله اللى عملوا فيا كده 00 ووصلونى للحال ده ( ينهض واقفا 00 وينظر بجواره 0000 ) ها 00 لقيتك يا حلوة 00 ( يتحسس الخزينة بيده 00 ) دقايق وأبواب السعد تنفتح لك يا توكل وتودع الايام الضنك 00 ( يضحك بهيسترية 00 ) ها 000 ها ( تصطدم يده بمفتاح الكهرباء 00 تضاء الانوار فجأة 000 ) الله أيه اللى حصل 00 إيدى جت غلط على المفتاح 00 رحت فى شربة ميه يا أبوالعريف ( يتلفت يمينا ويسارا 00 ) أعمل أيه دى الوقتى 00 أنا كده انفضحت 00 يطفىء الانوار 00 ويعدو سريعا ناحية اليمين 00 ويسمع صوت فتح الابواب 00 يدخل شخصان أحدهما مدير المحل 000 )

المدير

انت متاكد انك شفت النور بيطفى وينور

الرجل

أيوه يابيه00 وعشانكده انا اتصلت بيك فى الوقت المناسب

المدير

معقول يكونوا حرامية00 والحرامى هيكون بالغباوة دى عشان ينور النور

الرجل

هو ده اللى حصل يا بيه

المدير

سلاحك معاك

الرجل

جاهز يا بيه

]المدير

اقف انت عند الباب وأى محاولة للهرب اضرب فى المليان

الرجل

( يشهر سلاحه وينظر يمينا ويسارا 000 والمدير يسير ذهابا وإيابا 00 ويلقى نظرة على جميع الاركان 000

المدير

عجيبة ما فييش آثار كسر ولا أى حاجة 00 هيكون دخل المحل منين 00 يكون مستخبى 000 ( يتجه ناحية اليمين 00 يختفى قليلا 00 ويعود ممسكا بتوكل 00 )

المدير

ممكن أعرف سيادتك هنا بتعمل أيه

توكل ( مرتبكا )

صدقنى يابيه أنا دخلت دورة الميةوتأخرت شوية 00 بعدين لقيت المحل اتقفل عليا

المدير

عليا أنا الكلام ده ياله 00 يا بكر اتصل بالشرطة 00 عشانتشوف الاخ ده

توكل

صدقني يابيه هودكل اللى حصل 000

المدير

أنا مباكلش من الكلام ده 00

توكل

أرجوك يا بيه موش عاوز أروح السجن

المدير

يالله ياكلب السجن ده ليك ولأمثالك00

توكل ( ينحنى على يديه 00 )أبوس إيدك يا بيه 00 إرحمنى 00 أبويا راجل غلبان

المدير ( يسحب يديه 00 )
يا بكر اتصلت بالشرطة

توكل

أبوس إيدك يا بيه000 ارحمنى أنا تبت

المدير ( يخرج سلاحخ من جيبه )

كلمة زيادة ها فرغ الرصاص فيك ( ويلكمه لكمة توقعه على الارض

المدير

أيه خلاص اتصلت

بكر

أيوه يا بيه

المدير

تعالى اربط الهباب ده لحد ما الشرطة ما تيجى

بكر ( ينهال عليه ضربا )
إحنا كنا ناقصينك انت كمانياد ( يصفعع صفعة قوية تحدث دويا فى المسرح 000 )

توكل ( يصرخ 00 )

بكر

هتعيط زى النسوان 00 لما انت عامل زى عيشة كده تجيب لنفسك المشاكل ليه00 ( يلكمه فى وجهه000 وتسيل الدماء من وجه توكل بغزارة 0000 )

المدير

كفايته كده يا بكر لحسن تخلص عليه وساعتها نروح فى سين وجيم00 سيبه للبوليس يشوف شغله معاه00 ( يسمع صوت سارينة الشرطة 00 ويمتلىء المسرح برجال الشرطة المدججين بالسلاح 00 وضابط يحمل رتبة رائد 00 )

الضابط

فيه أيه

المدير

أنا صاحب المحل ده يا باشا 00 جاتنى مكالمة من بكر الحارس إنح حاسس بحاجة غريبة بتحصل 00 قمت من النوم على ملا وشى أشوف فيه أيه 00 وفتحنا المحل لقيناالبيه ( يشير إلى توكل ) مشرف جوه المحل

الضابط ( لأحد العسكر )

امسكه يا عسكرى

العسكرى

تمام يا افندم 00 يالله انجر قدامى يا جعر 00 وهى البلد كانت ناقصاكم 00 م كفاية البلاوى اللى عمالة تتحدف علينا كل شوية

توكل

كان مالك ومال السكة دى يا توكل 000 آدى أخرة المشى البطال

العسكرى

يالله ياله بطل غلبة 00 ابقى قول الكلام اللى نفسك فيه فى القسم يا فالح

توكل

آه يا خايب 00 جت تفلح ما فلحتش

العسكرى

تفلح فى السرقة 00 الله يخيبك 00 يالله قدامى

ستار

بورسعيد في/8/2002

حرامي تحت التمرين

حرامي تحت التمرين

رد: حرامي تحت التمرين

رد: حرامي تحت التمرين