صرخة بريء

داخل زنزانة مظلمة00 تسلط الأضواء على سجين يرتدى بدله حمراء00 وينام على بورش في منتصف الزنزانة00 وفى أعلى الزنزانة شباك صغير00 نرى السجين ينام على ظهره00 ويتقلب على جانبيه00 ونسمع صرخات متتالية00 بريء 00 بريء 0000 لبا 00 يقوم من النوم مفزوعا ويمسك رقبته بيديه00

[color:470e="Red"]السجين

أستغفر الله العظيم00 استغفر الله العظيم 00 ممكن ده يحصل 00 أتعدم وأموت على جريمة ما ليبش ذنب فيها000 حرام 00 لاااا

صوت القاضي

حكمت المحكمة حضوريا على المتهم سعيد حمدي بإحالة أوراقه إلى فضيلة المفتى

سعيد

لااا000لااا00أتعدم ليه وعشان أيه00 وأنا مالييش ذنب 000 أقتل00 وأسرق00 وأرتشى00 إزاى 00 موش ممكن

صوت المحقق

أيه الدافع لجريمتك يا سعيد

سعيد

أنا لا قتلت ولا سرقت

ص المحقق

وتفسر بأيه وجودك فى مكان الجريمة

سعيد

طبيعة شغلي يا بيه00 وانا كان لازم أكون موجود فى الوقت ده عشان فترة الشغل التانية

ص المحقق

عشان تنفذ جريمتك

سعيد

وانا أقتل وأسرق ليه يا بيه

ص المحقق

قول لنفسك

سعيد

مانا لو عاوز أنفذ جريمتى ممكن من غير لا قتل ولا سرقة ومن غير ما حد يحس بحاجةوآخد اللى أنا عاوزه

ص المحقق

مانت لازم كنت تعمل كده وتتهم حد تانى

سعيد

ينهض ويتجه صوب باب الزنزانة المغلق ويطرق عليه طرقات خفيغه 00 ) وقال أيه أحب الإثارة والمغامرات00 وأظن ما فييش إثارة أحسن من اللى أنا فيه00 وكلها أيام وأكون فى عداد الأموات

ص الضابط

انت مقبوض عليك يا سعيد بتهمة السرقة والقتل مع سبق الإصرار والترصد

سعيد

إزاى يا باشا وانا ماعملتيش حاجة

ص الضابط

وبصماتك اللى ع السكينة والناس اللى شافوك00 حط الحديد في إيديه ياعسكري

العسكري

حاضر يل أفندم

سعيد

حظي الاسودانى أروح فى الوقت اللى أتقتل فيه الغفير والفراش بعد م المجرم نفذ جريمته بإحكام وفسخ قفل الكنترول وسرق النتيجة

ص المحقق

مافييش داعي للانكار00 وكل الأدلة ضدك00 الاعتراف هيفيدك فى القضية والإنكار ما منوش فايدة

سعيد

أعترف بحاجة ما عملتهاش00 ( يمشى فى الزنزانة ذهابا وإيابا 00 متجها ناحية البورش أسفل الشباك ويجلس متربعا00 ويطبق يده اليمنى ويتكئ عليهابذقنه000 ثم يضرب كفا بكف ويقوم ناهضا كمن إصابته الحيرة 00)

طب والحل00 هاعمل أيه00 أستسلم لمصيري وأستني لما عشماوي يلف أساوره حوالين رقبتي وأروح فيها 00 ( يمسك رقبته بيديه000 ويتنهد بسرعة 00 ) لا 00 لا 00 موش ممكن00 ( يتجه ناحية الباب بسرعة ويضربه بكلتا قدميه00 )

يا شاويش 00 يا حضرة الضابط00 عاوز النيابة

ص العسكري ( من الخارج )

اسكت يا مذنب بطل دوشة

سعيد

بريء 00 بريء 00 (يصرخ ) بررررر يء00 لا 00 لاااا ( ينفجر فى البكاء ) 00 مذنب 00 نعم مذنب 00 فين دليل براءتى00 دى كل الأدلة ضدي وما فييش اى بريق أمل 00 أنا إيه اللى كان ودانى الوقت ده بس 00 حظي الأسود

ص السكرتير

أنا شفت سعيد وهو طالع وبصراحة أنا استغربت على مجيئه فى الوقت ده

سعيد كلهم شافونى وانا داخل ما ده شيء طبيعى00 ولو كان حد تانى دخل كان هيبقلى مكانى00 معقول 00 والوقتي مافييش أمل ومستني الموت بين لحظة والتانية والأمل اللى لي بالطعن فى الحكم00 انا لازم أقدم دليل جديد عشان ملف القضية يتفتح من تانى 00 ولكن من اللى له مصلحة فة اللى حصل ده00 أكيد حد من الطلبة اللى يهمهم ان النتيجة ما تطلعشى وعمل حسابه بانه يدخل المدرسة ويكسر باب الكنترول00 ويدخل ويسرق النتيجة 00 ولما الحارس شافه قتله00 وكمان الفراش لما طلع فخاف من الفضيحة وقتل الاتنين00 ممكن00 لكن مين اللى هيصدق كلامى00 لو حتى دليل واحد أقدر أثبت به صحة كلامى00 والكل شهدوا ضدي ومأعرفش أيه مصلحتهم فى كده00 لا باعا دى حد ولا بعمل مشاكل مع حدولا خصومات مع حد00 والأستاذ معتز والحق لله هو اللى شهد شهادة حق00 لكن للأسف شهادتهما كانتش كافيه عشان تخرجني من الورطة دى

ص معتز

الحق لله الأستاذ سعيد قمة الأخلاق والأمانة وذمته نضيفه ومحبوب من اللى فى المدرسة وموش بتاع مشاكل وما اصدقش أنه ممكن يعمل كده

سعيد

موش ممكن أسكت على اللى بيحصل لي ده (يهز رأسه) إزاى وأنا لا حول لى ولا قوة 00 أهرب 00 ايوه أهرب من السجن ده لحد ما أحط ايدى على دليل براءتى00 هي موتة000 مانا ميت ميت00 لكن إزاى أهرب00 وها روح على فين 00 وابدأ بمين00وأجيب دليل براءتي إزاى 00 أنا باين عليا بحلم أو عقلي جراله حاجة00 لا 000 لا 00 أنا م بحلمش وعقلي سليم وهو ده الصح اللى لازم يتعمل00 فشلي فى الهرب موش هيضرنى لأنى ميت ميت00 ولو نجحت وهربت يمكن هو ده الأمل اللى أقدر أثبت بيه براءتي

ص بدر

قلبي معاك يا سعيد00 أنا موش ممكن أسيبك وهأوملك أكبر محامى 00 حتى لو اضطريت أبيع هدومى وكله يهون عشانك

سعيد

أصيلة والله يا بدر 00 على الرغم من اللى عملته فيها 00 لكنها استحملتني كتير ومبخليتشى عليا بحاجة 00 باعت سيغتها عشان تفك سجنى00 لكن ماباليد حيلة 00 ضحت كتير عشانى وأحسن من ناس كتير00 ومنهم اخواتى اللى اتخللوا عنى واتنكروا ليابعد ما خدوا اللى ورايا واللي قدامى واتبروا منى00 ومع الأسف بعد ما أتحكم عليا ما حديش فيهم جه زارني ولو جه يطيب خاطري بكلمة تنور لي الضلمة اللى عايش فيها00 ابكي على نفسى000 ولا أبكى على حالي ولا أبكى على اللى راح00 البكا ما منوش فايبدةولا يمكن يقدر يرجع اللى فات00 ليه يحصل لى كل ده00 أنا عملت أيه وحش فى دنيتى00 ظلمت 00 زنيت 00 سرقت00 ليه خدت ذنب ما ارتكبتوش 00وهل هتظهر براءتي قبل ما ؟أموت ولا بعد ما عشماوي يموتنى وأقابل وجه رب كريم

سعيد

ياااه 00 والله الواحد شك فى نفسه أنه ميت ولالا0 ويمكن المسئول

عن كل ده00 وما كنتش دارى باللي باعمله00 معقول 00 لا 00 ده أنا فايق ورايق00 والموضوع ده كبير قوى وموش ممكن أخرج منه00 ما فييش حل غير الهرب 00 طالما أنا بريء ومقتنع ببراءتي وما حدش عاوز يصدقنى00 أهرب 00 طب هيفضل طول عمري هربان00 هو الحل الأكيد 00 أهرب وأدارى عند بدرية يومين لحد ما أتصرف00 وايشى أدراني إن بدرية موش هتتراقب 00 بس البوليس ما يعرفشى علاقتي ببدريه وعلى بال ما يعرف أكون شفت لي صرفة وميت حل 00 وأخطط للهرب إزاى 00 محبوس وبين أربع حيطان وجوه أربع حيطان كمان00 وأعمل أيه فى العساكر اللى بره والحرس اللى على البوابة وكلاب السجن اللى هتطاردنى00 لا 00 أفضل فى السجن أحسن من وجع القلب ده كله00 أقعد وبعدين أستني عشماوي لما يعدمنى00 لا 000 لا 00 أنا لازم أعيش 000 لازم أعيش 000 ( يتجه ناحية الباب00 ويطرق طرقات سريعة 00 ) يا عسكري 000 يا شاويش 00 افتحوا الباب00 أنا بريء 00 موش ممكن أتعدم 00 بريء 00 بريء

ص العسكري

اسكت يا مذنب وجعت دماغنا 000 بريء 00 بريء 00 هو كل واحد يعمل عملته وبعدين يعيط

ص العسكري

وأيه اللى جابك هنا

سعيد

حظي الأسود(ينفجر فى البكاء )

ص العسكري

سلم لقدرك ( يبتعد صوت العسكري شيئا فشيئا

سعيد

ادينى مسلم 00 وما فييش غير كده ( يهب مفزوعا ) 00 لا 00 لا ههرب 00 ايوه ههرب 00 وانا جتنى فكرة أخرج بيها من هنا 00 اعمل إضراب عن الطعام00 وساعتها حالتي تسوء ويخدونى المستشفى وأخرج من السجن وأفضل فى المستشفى كام يوم 00 وساعتها اهرب من هناك00 ولكن هما هيحطوا عليا حراسة مشددة عشان مهربشى 00 أهرب بالليل من الشباك00 والفرصة دى عمرها ما هتتعوض00 والوقتي أبدأ بتنفيذ الخطة00 وأول حاجة أضرب عن الأكل ( يتجه ناحية الطعام أسفل الشباك 00 ينظر إليه ) على الرغم من جوعي 00 بس أنا موش هاقرب منك حتى لومت من الجوع 00 وإذا ما نفعتش الخطة وما حدش سأل فيا 00 يبقى انى فلت من عشماوي وهموت من الجوع00 خليني محطوط بين نارين00 نار الجوع و نارعشماوى 00 يالله معلهش كله يهون عشان الحرية اللى بحلم بيها00 أنا بقالي فى السجن أكتر من ست شهور وعمال أتنقل من سجن لسجن ومن محكمة لمحكمة لحد ما شرفت هنا فى القصر المحترم ده وحطوني فى أفخم جناح فى القصر00 بورش محترم أنام عليه وكتر خيرهم ما سابونييش لوحدى00 ولقيت التشريفة فة انتظارى00 فرقة البراغيث وفرقة البق ما هانش عليهم أرتاح وأتهنى 000 لازم يقعدونى عشان نحكى ونتسامر00 صحيح أبقى قليل الذوق لو سبتهم لوحدهم 00 لازم أفضل صاحي وأسايرهم 00 يالله 00 على الأقل لقيت لي أصحاب00 بس صراحة دول مؤذيين شوية وهزارهم بايخ أوى00 يحاولوا يصحونى من أحلاها نومة00 وهات يا لدغ00 وأقوم م النوم مفزوع من احلامى الحلوة هنا فى جناحي المحترم ده 000 ويا ترى زى مانتوا عماليين بتدايقونى تقدروا تساعدوني وتخرجوني من هنا 00 انت واهم ياسعيد 00 دول لا حول لهم ولا قوة00 وبعدين انت أتجننت عمال تكلم نفسك00 ياريت كنت اتجننت00 على الأقل المجنون عايش ولاقى نفسه وموش هيتعدم زى حالاتي على أيد عشماوى00 أعمل مجنون 00 آةه أعمل مجنون00 قديمة 00 ألعب غيرها00 هتتفقس وما هتترحمش وبرضه هتروح لعشماوى00 عشماوي 00 عشماوي 00 عشماوي أبص شمال ألاقيه 00 أبص يمين أشوف صورته قدامى000 فى منامي ألاقيه00 حتى كمان بقى واقع مفروض عليا00 مافييش مفر 00 ميت ميت00 وعلى أيد عشماوي

صوت القاضي

حكمت المحكمة حضوريا على المتهم سعيد حمدي بإحالة أوراقه إلى فضيلة المفتى

ص المحقق

إيه الدافع لجريمتك

سعيد

أنا ما عملتيش حاجة

الضابط

انت مقبوض عليك يا سعيد بتهمة القتل والسرقة

سعيد

بريء

ص المحقق

ما فييش داعي للإنكار وكل الأدلة ضدك00 اعترف

سعيد

بريء 00 بريء

ص القاضي

حكمت المحكمة حضوريا على المتهم سعيد حمدي بإحالة أوراقه للمفتى ( ويعلو الصوت شيئا فشيئا 00 ) بإحالة أوراقه إلى المفتى

سعيد

لا 0000

ص القاضي

(أعلى ) حكمت المحكمة على المتهم سعيد حمدي بإحالة أوراقه إلى فضيلة المفتى

سعيد

لا 00 لا 00 بريء 00 بريء (ينخفض الصوت تدريجيا مع إظلام تدريجي ويسمع صوت سعيد فى الظلام )

ص سعيد

بريء 00 بريء ( إضاءة تدريجية تكشف عن حجرة نوم شخص نائم فوق السرير 000 )

الصوت

بريء 00 بريء 00 بريء ( يهب من النوم مفزوعا 00 ينظر حوله 00 )أنا فين 00 فين الزنزانة 00 فين السجن 00 أنا بريء 000 بريء 00 بريء 00 بريء

ستار

صرخة بريء

صرخة بريء

رد: صرخة بريء

رد: صرخة بريء

رد: صرخة بريء