منتديات عطا درغام - جديدة المنزلة
بحـث
 
 

نتائج البحث
 


Rechercher بحث متقدم

المواضيع الأخيرة
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث

الكنز

اذهب الى الأسفل

الكنز

مُساهمة من طرف عطا درغام في الإثنين 4 مايو 2009 - 16:27

[center]المنظر

في الصحراء الشاسعة الممتدة على جانبى المسرح .. لا زرع..لا اشجار ..المكان مقفر تماما .. لا توجد علاما ت تدل على العمران .. الشمس فى كبد السماء حيث الحرارة الشديدة .. نجد شخصا يسير على امتداد مرمى البصر .. يقترب شيئا فشيئا .. ويقع اثناء سيره .. ويلوح عليه الاجهاد الشديد .. ويصل إلى منتصف المسرح .. ويقع من شدة التعب .. ويحاول النهوض ثانية .. ويقع ... يحفر فى الرمال كانه يبحث عن شىء ..يترك الحفرة .. يتقدم .. يضرب الرمال بيديه ويصرخ

الشخص

( عاليا ) لا .... لا .. موش عايز اموت ... أعمل كل ده والآخر أموت ... لا .. لازم أعيش ... موش ممكن كل ده يروح ..دا أنا عملت المستحيل .. والآخر كل دة يروح فى غمضة عين .. لا .. وألف لا

( يسمع صوتا غير مرئى يصدر من خارج المسرح )

الصوت

طمعك وجشعك اللى عملوا فيك كده

حمدان

الله .. مين اللى بيكلمنى

الصوت

انا صوت ضميرك يا حمدان

حمدان

وكنت فين لما حصل كل ده

الصوت

كنت معاك فى كل وقت وياما حذرتك من افعالك .. لكن انت ما سمعتش كلامى

حمدان

ليه ما منعتنييش

الصوت

منعتك .. لكن غرورك وطمعك

حمدان

وأعمل أيه لوحدى

الصوت

الصحرا قدامك واسعة وانت اللى اخترت

حمدان

اخترت الموت

الصوت

واجه مصيرك .. وكفر عن اللى عملته

عطا درغام
Admin

عدد المساهمات : 908
تاريخ التسجيل : 24/04/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: الكنز

مُساهمة من طرف عطا درغام في الإثنين 4 مايو 2009 - 16:27



حمدان

إزاى أكفر عنه .. وأنا هنا فى الصحرا لا حول لى ولا قوة

الصوت

دور على اللي ظلمتهم واستسمحهم يمكن يسامحوك

حمدان

أدور عليهم فين .. وإزاى انت أكيد مجنون

الصوت

أنا اللي مجنون.. أنا اللي خنت... أنا اللي سرقت .. أنا اللي سبت أصحابي وهربت بالفلوس بعد ما وثقوا فيا .. حذرتك من العملة دى .. ولو كنت مشيت دوغرى كنت خدت نصيبك وما كانش ده مصيرك (يبتعد الصوت ) وما كانش ده مصيرك ( يظل يردد الجملة وينخفض الصوت تدريجيا و يبتعد شيئا فشيئا حتى يختفي تماما )

حمدان

ما تسيبنييش وتمشى.. انت رايح فين ( يجرى رافعا يديه إلى أعلى ) لا .. موش ممكن .. هي دى النهاية.. ما فييش مفر .. أنا اللي اخترت.. وما كانش المفروض أعمل كده وأخون سليمان وهمام.. زمانهم الوقتي وصلوا بسلام.. وأنا الوقت في حيص بيص

صوت سليمان

صدقوني يا جماعة موضوع الكنز ده حقيقي والخريطة اللي معايا بتقول كده

حمدان

الخريطة..آه ... دى لو كانت معايا كنت قدرت أوصل ... هي دى الحاجة اللي فاتتنى.. أخدت الشنطة.. والعربية أتعطلت .. حاولت معاها .. وأبص ألاقى التنك بتاع الغربية مخروم ..والعربية ما عدلهاش لرمة معايا

صوت سليمان

انتووا عارفين انى لقيت الخريطة دى في كتاب من الكتب القديمة اشتريتها من بتوع الروبابيكيا .. ودرست الخريطة دى كويس .. وما لقيتش أنسب للعملية دى غير حمدان وهمام

صوت همام

حقه .. لو الموضوع ده بجد يا سليمان هنعيش ملوك بعد العيشة الضنك اللي عايشنها دى .. ونشوف الدنيا كويس

حمدان

خلينا مع الكذاب لحد باب الدار

صوت سليمان

انت على طول عمرك كده يا حمدان .. عمرك ما تصدق الحاجة إلا لما تلاقيها قدامك

حمدان

لامك ده مالوش وجود غير فى حواديت ألف ليلة وليلة وأفلام السيما

صوت همام

عموما هنجرب يا حمدان .. لقينا الكنز خير وبركة.. ما لقينا هوش هي مجرد رحلة

صوت سليمان

أنا عملت ترتيباتي ومجهزكل حاجة ..العربية والخريطة ومستلزمات السفر..والسفر بعد أسبوع على ما تشاوروا نفسكوا

صوت همام

مافييش عندي أي مانع .. وأنا جاهز معاك م الوقتي

حمدان

أنا الوحيد اللي اعترض على الرحلة .. لانى ما كنتيش مصدق سليمان في البداية.. لانى بصراحة كنت دايما بأغير منه وأحقد عليه..عشان هو كان أحسن منى في كل حاجة.. إنسان ناجح في تعليمه .. وناجح في حياته .. ومحبوب من الناس كلها.. واعتراضي على موضوع الكنز موش عشان مكدبه.. لا لأنه جى من سليمان .. وكل اللي جى من سليمان .. لازم يكون مرفوض

عطا درغام
Admin

عدد المساهمات : 908
تاريخ التسجيل : 24/04/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: الكنز

مُساهمة من طرف عطا درغام في الإثنين 4 مايو 2009 - 16:28



صوت همام
انت لازم تصدقنا يا حمدان.. وتتخلى شوية من عندك .. أيه معناته إنك مختلف مع سليمان .. نجرب والتجربة موش هتخسر.. وبعدين أنا مقتنع بالموضوع جدا ... وإحنا عملنا حسابك وخلاص

حمدان

ونضمن منين أننا نلاقى الكنز وإن ما حدش تانى لقاه

صوت سليمان

الخريطة معانا... وبعدين الخريطة بتقول إن الحفر على عمق 2-3 متر00 يبقى اللي هيلقاه إزاى 00 ده صعب 00 بل من رابع المستحيلات

حمدان

ولما انت مالي ايدك قوى كده من موضوع الكنز0 ليه مرحتش لوحدك 00 أو أخدت ناس تانية معاك 00 ما انت اصطحابك كتير

صوت سليمان

كل ده وما تعر فوش معزتكوا عندى00 انتووا برضه اصحابى واقرب الناس ليا 00وأول ما فكرت00 ما فكرتش إلا فيكوا

حمدان

رغم غروري وعندي 000 الكلام ده أثر فيا قوى 00 يعنى خلاني

أقتنع بكلام سليمان 0وعلى رأى همام 00 واخسر أيه لو جربت00 ولو التجربة نجحت اكسب فلوس كتير 00 وهتنقل نقلة جامدة لقدام قوى 000 بدل العيشة اللي ما تسرش دى 00 وسليمان ما صدقش خبر 000 وزى اللي كأنه ما صدق 000 وبدأنا معاه الرحلة000 وفى البداية كانت صعبة قوى 00 وكانت هتخلينا نفقد الثقة في سليمان

صوت سليمان

هنتوه إزاى يا همام والخريطة بتقول إننا ماشيين صح00 وما تنساش إننا بعربية00 والراجل اللي حاطط الكنز كان بحصان


عطا درغام
Admin

عدد المساهمات : 908
تاريخ التسجيل : 24/04/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: الكنز

مُساهمة من طرف عطا درغام في الإثنين 4 مايو 2009 - 16:28

يعنى يقدر بعدى من الجبال والممرات دى اللي العربية ما تقدرش تعديها 00 يعنى إننا ممكن نكمل بقية الطريق من غير عربيه

صوت سليمان

وده ممكن يحصل 00 وإحنا زى ما الخريطة بتقول باقي عشرين كيلو

صوت همام

بالشكل ده ممكن نتوه

صوت سليمان

كل شيء بالعقل 00 ما تستعجلش يا همام

حمدان

ومشينا لقدام مسافة 15 كيلو ولقينا الطريق اتقفل خالص 00 ممرات وجبال 00 وصخور

صوت سليمان

مافييش قدامنا غير إننا نمشى المسافة اللي باقية وبعدين خمسة كيلو موش كتير

صوت همام

اللي خلانا نمشى كل ده ما نيجييش على الباقي ونيأس

حمدان وعلى كده هنروح إحنا التلاتة

صوت همام

شايف حاجة غير كده

حمدان

ونمشى إحنا التلاتة ونسيب العربية00 ونضمن منين إن هي موش هتتسرق

صوت سليمان

عين العقل ياحمدان 00 واحد مننا يستنى هنا جنب العربية وعلى الأقل لو ما رجعناش يبقى هو يتصرف

حمدان

يبقى أنا اللي هاستنى

صوت سليمان

ما تنسوش تطلعوا عدة الحفر

صوت همام

واهم حاجة الأكل والشرب

حمدان

دايما ما تنساش نفسك

صوت همام

ونضمن منين إننا هنرجع على طول 00 ممكن نتأخر 00 يبقى عاملين حسابنا عشان نأدى الغرض من الرحلة 00 وساعتها نفوز بالكنز ونودع الأيام الضنك00 وهنيا لك يا عم ما فييش بينك وبين السعادة غير خمسة كيلو

حمدان

خمسة كيلو بتفصلنا بين الفقر والعز00 ونحقق كل اللي غاوزينه0 تفتكر الواحد هيكون نصيبه كام من الكنز يا سليمان

صوت سليمان

ما تنساش انه هيتوزع علينا بالعدل والتمام

حمدان

والكنز ده كتير

صوت سليمان

العلم عند الله00 وأكيد يبقى كتير 0 لأن لما يتحط في مكان بعيد زى ده 00 ويكلف نفسه كتير00 ويبعده عن العيون

عطا درغام
Admin

عدد المساهمات : 908
تاريخ التسجيل : 24/04/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: الكنز

مُساهمة من طرف عطا درغام في الإثنين 4 مايو 2009 - 16:29


صوت همام

هنيا لك يا عم بينك وبين السعادة خمسة كيلو

حمدان

وبالفعل فضلت أنا بالعربية00 على الأقل لو حصل حاجة تبقى العربية معايا ويبقى أنا اللي نفدت بجلدي 00 وسليمان وهمام أحرار 00 جم بالكنز خير وبركة وأنا مستني 00 وإذا اتأخروا أو تاهوا 00 هاعمل لهم أيه 00 كان عندي حق لما فضلت 00 يا عم بلا دوشة ووجع دماغ 000 يروحوا ما يروحوش ما تفرقش 00

صوت سليمان

لو قعدنا تلات أيام واتأخرنا عن التلات أيام 00 حاول تتصرف يا حمدان 0000

حمدان

وهاتصرف إزاى

صوت سليمان

تخليك زى مانت وتقوم تولع نار كبيرة ممكن ييجى لك حد ويقوم يساعدك أو إحنا نشوف النار نيجى على ضوء النار

صوت همام

انت بتقول ليه يا عم سليمان

صوت سليمان

لازم نكون عاملين حساب كل حاجة0 ما تنساش إن الرحلة دى موش سهلة 00 ممكن تقابلك ديابة وتعالب 00 أو ممكن يكون هناك قطاع طرق 00 يبقى كل حاجة معمول حسابها

حمدان

يعنى ما فييش حلاوة من غير نار

صوت سليمان

يعنى هنقعد كده ونقول يارب ابعت لنا الكنز 00 لا 00 لازم نتحرك ونعمل حاجة 000 على الأقل بعد مانلاقيه نحس بيه ونحافظ عليه

حمدان

على الرغم من إن سليمان ادى مهلة تلات تيام عشان اعمل حاجه لما هما يتاخروا00 إلا انه ما فاتش يادوب غير يوم واحد ويوم ما تفرقش أو حتى اتنين 00 المهم إن أنا معايا العربية وما هتعرضشى لأي خطر00 الواحد لازم يكون حريص على الحياة00 لسه الواحد صغير وما اتمتعش بالدنيا 000 ولو فاتت المدة أي نعم 00 وهاتصرف بطريقتي الخاصة 00 الصراحة لما فات يوم وبقينا في التانى فكرت إني أستندل 00 لكن بصيت من على بعد ولقيت اللي ما خطرليش على بال 00 همام وسليمان

صوت همام حمدان

00 لقينا الكنز 00 والكنز معانا 00 بقينا أغنيا 00 بقينا أغنيا يا حمدان

حمدان

وده وقت هزار يا همام

صوت همام

آه والله بتكلم جد 00ما تقول له حاجة يا سليمان

صوت سليمان

حمدان ما يصدقشى إلا لما يشوف

(00 يسمع صوت ار تطام نقود بالصخور00 ويعلو الصوت شيئا فشيئا00 حتى يغطى المسرح تماما مصحوبة بضحكات عالية 00 وتعلو الضحكات شيئا فشيئا 00 وتختلط بضحكات وصرخات حمدان الذي لا يصدق 00 ويجرى عبر أرجاء المسرح من اليمين إلى اليسار )حمدان

فلوس 00 فلوس ( يغمى عليه )00 ( يفوق ) شمموني الفلوس وأنا أفوق 00 دى علاجي الوحيد 00 معقولة 00 يكو نشى بحلم 00 اقرصني يا همام عشان أحس انى صاحي

صوت سليمان

عشان تثق فيا يا حمدان 00 ولازم تعرف كويس إن عمري ما بمشي خطوة إلا وتكون مدروسة 00 عمري ما امشي اخبط كده00 زى اللي ماشى من غير هدف 00 واضح وصريح وما احبيش اللف والدوران

عطا درغام
Admin

عدد المساهمات : 908
تاريخ التسجيل : 24/04/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: الكنز

مُساهمة من طرف عطا درغام في الإثنين 4 مايو 2009 - 16:30



حمدان

سامحني يا سليمان أنا كنت ظالمك وغلطت في حقك كتير 00 لكن اتضح لي إن انت اللي على حق وما تزعلشى منى يا سليمان

صوت سليمان
عمري ما زعلت منك يا حمدان

حمدان

وبعد ما جابوا الكنز قعدوا يستريحوا لهم شوية 00 الوساوس لعبت بدماغي انى اغدر بيهم وانفرد بالكنز لوحدى00 إيه المانع 00 وقعدت اخطط واتكتك إزاى اخذ الكنز والعربية في وقت واحد00 واسيبهم لوحدهم في الحتة دى 00 هيحصل لهم أيه 00 هيموتوا 00 ما يموتوا 00 هم اللي تعبوا وجابوا الكنز000 ما أنا جبت معاهم وفضلت مستنيهم أحرس لهم العربية وقعدت استني الفرصة عشان اهرب بالكنز والعربية 00 وجت لي الفرصة لما دخل الليل 00 وقسمنا بينا نوبات الحراسة 00 استنيت لما جه الدور عليا00 وفرش سليمان وهمام على الأرض وناموا00 وفضلت مستني لما راحوا في سابع نومه

صوت همام

دى الوقتي دورك في نوبة الحراسة يا حمدان 00 كل واحد يحرس 4 ساعات لوفيه خطر ينبهنا 00 إن شاء الله لما ييجى الصبح نتحرك 00 اهو على الأقل نستريح من العلقة السخنة دى

حمدان

واتخلصت من شوية الكراكيب اللي محطوطين في العربية بما فيهم الخريطة ودا كان من حسن حظي .. واتحركت بالعربية وما حطيتش في دماغي لا الإنسانية ولا الصداقة00 وان دول اصحابى00 وأكلنا مع بعض عيش وملح00 ( يقترب صوت من خلف المسرح.. ويكاد يكون نفس الصوت الذي سمعناه في بداية المسرحية00 ويعلو الصوت شيئا فشيئا )

الصوت

اللي انت بتعمله ده غلط يا حمدان

حمدان

أنا ما بعملشى حاجة غلط

الصوت

الغدر والخيانة دول 00 تسميهم أيه

حمدان

أنا نفسي الكنز يبقى ليا لوحدىوما حدش يشاركني فيه 00 وأتمتع بيه لوحدى

الصوت

حتى لو كان اعز أصحابك

حمدان

لو كان أبويا نفسه

الصوت

ما تنساش إن هما اللي جابوا الكنز وهما اللي تعبوا

حمدان

ما أنا كمان كنت معاهم وتعبت زيهم

الصوت

بس انت سرقتهم

حمدان

قول فكرت موش سرقت

الصوت

أنا بحذرك يا حمدان وموش هتفلت بالكنز لأن المجهول مستنيك وساعتها لا هتتمتع بالكنز00 ولا هترجع سليم

( يبتعد الصوت شيئا فشيئا 00 ويقل تدريجيا 00 حتى يختفي تماما )

حمدان
مجهول00 موش هارجع سليم 00 استني 00استنى 00 يا عم سيبك ده مجرد كلام00 لا هيودى ولا هيجيب 00امشى أتحرك 00 معاك العربية ومعاك الكنز 00 هيحصل أيه يعنى 00 ( يضحك بهسترية ضحكات تجلجل المسرح 00 ) ومعايا الكنز والعربية 000 ( ها 00 ها 00 ها00 ونسمع أصوات ضحكات تختلط بضحكات حمدان 0000 ) وياريتنى كنت سمعت الكلام 00 ويا دوب واتحركت حوالي تلاتين كيلو بالعربية وقطعت النفس وما حطيتش منطق 00 وياريت على أد كده بس 00 فوجئت لقيت تنك البنزين مخروم00 ومن ذكائي فضيت العربية من كل حاجة 00 حتى الخريطة اللي هتعرفنى الطريق الصح ورميتها 00 من غبائي قلت ما لهاش لزوم00 طالما العربية معايا00 ويا فرحتي بالعربية00 ما عديتش نافعة بعد التنك ما اتخرم00 انتهيت00 وأعرف أنا فين الوقتى00 ولا معايا بنزين ولا أكل ولا ميه00 انتهيت 00 خلاص خلاص 00 كل ده عشان الكنز00 والكنز دى الوقتي معايا ( يتجه ناحية السيارة ويخرج الصندوق بصعوبة 00 ويفتحه 000 ) الكنز أهه قدامى 00 والفلوس أهي 00 ( يملأ يديه وينثر النقود لأعلى في الهواء ويرمى بها عبر أرجاء المسرح 00 ويضحك عاليا 00 ) الكنز معايا 00 هيودينى الطريق الصحيح وها قدر أرجع 00 وهيجيب لي الأكل والشرب 00 وموش هاموت طالما معايا الكنز 00 ( يضحك بهيستريه ويرمى بالنقود 00 ها 00 ها وتختلط ضحكاته بضحكات من خلف المسرح 0000 يبكى 00
ويقترب الصوت الذي لازمه طوال المسرحية 00 ويقترب تماما 000000 )

الصوت

هو ده المجهول اللي قلت لك عليه 00 هي دى نهايتك 00 هو ده جزاء الخيانة والغدر 0 واجه مصيرك وخللي الكنز ينفعك

حمدان

ساعدني ... أرجوك وهديلك اللي انت عايزه

الصوت

وفر فلوسك يا حمدان .. عمر الضمير الحي ما يتباع بفلوس.. وأنت للأسف نسيت ضميرك وعمرك ما حكمته .. وياريتك كنت سمعت كلامي من زمان .. لكن للأسف الطمع والغيرة عموك .. وصوت الطمع كان أقوى من ضميرك اللي انت نسيته من زمان

حمدان

طيب هاسمع كلامك .. وهعمل اللي هتقول لي عليه .. بس ساعدني

الصوت

ياريته كان ينفع .. وللأسف دى النهاية .. وما تنتظرش منى أي مساعدة

حمدان

أبوس أيدك ارحمني

الصوت

وهيفيد بأيه الندم دى الوقتي

حمدان

أرجوك ساعدني لآخر مرة

الصوت

ما تحاولشى لأن الوقتي انتهى كل شيء ... لو كنت سمعت كلامي ... كان زمانك مع سليمان وهمام وبتتمتعوا بالكنز ... لكن طمعك وغرورك صوروا لك إنك ممكن تسرق الكنز وتهرب ... ولكن للأسف جت النتيجة عكس ما اتصورت وأصبح الكنز ما لوش أي لزمة ... تلاقى همام وسليمان صحيوا وتفاجئوا انك سرقتهم ... لكن هم اللي كسبوا ..ز كسبوا حريتهم وحياتهم . والحرية والحياة أثمن من كنوز الدنيا ... وتلاقيهم اتلقوا في أي حد من الأعراب أو راحوا لواحة قريبة من الواحات اللي موش بعيدة عن المنطقة زى ما الخريطة بتقول .. وأنت أتسرعت يا حمدان

حمدان

عندك حق ... أنا أتسرعت .. أنا ندل ... ولا يمكن أكون إنسان... ويفيد بأيه الكنز وإنا كده مسلوب الإرادة .. ومجرد من كل حاجة .. خلاص ما عدش ينفع الندم ... وهيفيد بأيه بعد ما كل حاجة ضاعت .. يا مين ياخد الكنز منى ويدينى حريتي ويدلني على أقرب طريق



الصوت

اصرخ .. اصرخ ... ما حدش هيسمعك ... ولو قعدت تصرخ ولو ميت سنة ..خلاص مصيرك كان في ايدك .. لكن انت اللي اخترت ( يبتعد الصوت تدريجيا حتى يختفي )

عطا درغام
Admin

عدد المساهمات : 908
تاريخ التسجيل : 24/04/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى