وأنا كان مالي

المنظر

أراضى زراعية تمتد على جانبي المسرح 00 وفى أقصى المسرح ترعة تمتد من يسار إلى يمين المسرح000 وتبدو اعالى بيوت ريفية ومئذنة ومدخنة مصنع للطوب 00 وطريق زراعي يمتد بموازاة الترعة من اليسار إلى اليمين 0والوقت ليلا والسماء مقمرة 00 يبدو القمر فى اليوم الرابع عشر 000 يسير شاب فى حوالي الثامنة والعشرين من عمره 00 طويل القامة 000 كثيف الشعر 00 له سوالف تمتد إلى أسفل أذنيه 00 ذو شارب خفيف 00 يرتدى حلة سوداء وكرافتة حمراء بخطوط زرقاء وعليها دبوس 000 يسير مختالا بنفسه ويضع يديه فى جيوبه 000 ويغنى تعبيرا عن سعادته

نبيل (يغنى )

حبيبي يا نور العين يا ساكن خيالي 00 عاشق بقالي سنين 00 ولا غيرك فى بالى 00 حبيبي 000 حبيبي 000

يا سلام الفرح حلو قوى ( ينظر فى ساعته ) ياااه الساعة 1200 الواحد ما كانش حاسس بنفسه 00 والوقت بيمر بسرعة00 كان لازم ألبى دعوة صاحبي مسعود وأحضر فرحه00 ده اعز اصحابى عندي 00 على الرغم إنه فى بلد تانية جنب بلدنا 00 وخطورة الطريق 00 إنما كان لازم اروح000 دى عشرة عمر وزمالة فى الدراسة لغاية ما أتخرجنا سوى من الجامعة00 واشتغلنا سوا00 وهو اتاهل واتجوز 00 وانا لسه بادور على بنت الحلال00 ولحد الوقتي لسه ما لقيتهاش00 يا عالم نصيبي هيودينى لفين 00 اى نعم أنا كنت بأحب حنان وعشت معاها قصة حب جميلة يتحاكىعنها00 لكن الظروف فرقت بينا وما حصلش نصيب 00وهى أتجوزت واحد غنى 00 وأنا كنت يا دوب لسه باكون نفسي 00 لحد ما ربنا كرمني ووقفت على رجليا وبدأت أحس بنفسي ( يسمع صوت أ نين 000 يظهر شخص يزحف على بطنه0000 ناحية اليمين على الطريق الزراعي وسط المسرح00 )

الشخص

آه 00 آه

نبيل زى ال كأني سامع صوت حد بيتوجع

الشخص

آه 0 الحقننى انت ياللى هناك

نبيل

بيتهيا لى00 ولا دا حقيقة ( يزحف الشخص حتى يظهر تماما فى منتصف المسرح00 رجل ضخم الجثة ذو شارب كثيف00 يرتدى جلبابا وعباءة سوداء وعمامة فوق رأسه 00 تسيل منه الدماء بغزارة0000 )أيه ده000 انت مين

الشخص

اسمي على عويس00 ( يتكلم بصعوبة ) 00آه00آه 00 أرجوك اعمل اجة00 هات الاسعاف00أه00اه

نبيل ( كالمشلول لاستطيع أن يفعل شيئا) 000انا موش عارف أقول لك أيه00 أسيبك لوحدك00 ولا أروح أتصل بالاسعاف00 وبعدين المسافة بين وبين أقرب قرية ما تقليش عن أربعة كيلو

على عويس

( يضع يده على صدره وينزف الدم بغزارة)0 اعمل حاجةأرجوك00أنا هاموت

نبيل

( ينحني عليه وينظر إلى الجرح) ياااه 00 ده انت بتنزف جامد

على(يحاول النهوض00 يمسك بنبيل 00الدماء تلوث نبيل 00) 00 يا عم اعمل حاجة حرام عليك

نبيل

سيبنى انت واناهعمل أقصى ما عندي عشان أجيب لك الإسعاف

على

يالله

نبيل ( فى نفسه )

انت كده ممكن تورط نفسك يانبيل وتتحط فى سين وجيم00 ويمكن يتهموك بقتله00 أحسن لك امشي 00 ولا كأنك شفت حاجة 000 بس كده انت ممكن تبقى ندل 00 وهتروح فين قدام ضميرك00 وهتروح من ربنا فين00 افرض انه أخوك أو قريبك 00 أو حد من أصحابك 00 هتسيبه لا00 ولو حتى ما تعرفوش00 ما تبقاش ندل يا نبيل00انت كنت طول عمرك انسان00 وتربيت على الفضيلة وتمسكت بالمبادئ 00 هتقوم تيجى الوقتي وتتخلى عن كل ده0000 لا

على عويس

انت مستني إيه ( بصعوبة ) 00 خلاص 00 كل شيء انتهى( يزحف إلى الأمام) 00خد يا 00 اسمك أيه

نبيل

( يتجه ناحيته)

اسمي نبيل

على عويس

ما تزعلشى منى00

نبيل

وأزعل منك ليه00 وانت ما عملتيش حاجة 00 انا اللى اتاخرت فى طلب المساعدة

على عويس

خلاص 00 هاموت 00 ونهايتي قربت 00 سامحني إن كنت أتعصبت عليك

نبيل

انا لازم اعمل لك حاجة

على عويس

لا 00 ما فييش فايدة 00( يتنهد00 يتنفس بصعوبة 000 )

نبيل

( يقوم بخلع الجلباب 00 يدلك صدره 00)

على عويس

خلاص00 ( يشهق 00 يلفظ انفاسه000 يموت)

نبيل

على 00 على 000 مات 00 البقاء لله 00 إنا لله وإنا إليه راجعون00 ( يغطى وجهه بالجلباب 000)

نبيل

وها عمل أيه دى الوقتى00 أسيبه وأمشى وكان ما حصلشى حاجة 00 ولااروح لأقرب قسم وأبلغ عن وجود قتيل000 برضه هروح فى سين وجيم 00 وإيه علاقتك بالقتيل 00 وإيه اللى خلاك تبلغ 00( يرى شخصان مقبلين على بعد فى أقصى يمين المسرح 00 حتى يصلان إلى منتصف المسرح 0000 )

نبيل

فيه اتنين أهم00 أما أطلب منهم المساعدة 00 أقول لهم00 حد يبلغ وانا أفضل مستني

الأول

السلام عليكم 00 يلزم مساعدة يااخ

الأول

السلام عليكم 00 يلزم مساعدة يااخ

نبيل

والله انا واقع فى مشكلة وانتوا وقعتوا لي م السما

الثاني

خير كفى الله الشر

نبيل

الحقيقة انا كنت ماشى من هنا فى أمان الله 00 بصيت لقيت واحد بين الحيا والموت00 واستنجد بيا0 وعلى بال ما فكرت انى أروح أطلب الإسعاف لقيته مات

الأول

( ينظر إلى الجثة ) 00 ودا مين ماتعرفوش

نبيل

الحقيقة أول مرة أشوفه 00 وما سبقليش إني أعرفه

الثاني

وما خفتيش

نبيل

وأخاف من أيه 00 وهو انا اللى قتلته

الأول

وهتعمل أيه الوقتي

نبيل

ا نتوا تقوموا تبلغوا المركز00 وتقولوا فيه واحد قتيل ع الطريق الزراعى00 وأظن اسمه 00آه افتكرت اسمه 00 على عويس

الأول والثاني ( مندهشان)

مين 00 على عويس

الأول

انت قلت على عويس

نبيل

آه 00 على عويس

الثاني

على عويس شريكنا يا شحاتة

نبيل

شريككم 00 انتوا تعرفوه

شحاتة

آه نعرفه0 دا شريكنا فى البهايم 00 وإحنا وكلناه النهاردة عشان يروح يبيعهم فى سوق الحد

( يتجهان ناحية الجثة ويكشفان الغطاء عن الوجه 0000)

شحاتة ( ينظر مندهشا )

دا فعلا على عويس 000 يا زين

زين

بتتكلم جد 00 وإحنا اللى افتكرناه بايت فى البندر

شحاتة

والفلوس 00 فين الفلوس

نبيل

انا موش فاهم حاجة

زين

اسكت انت ( يفتش الجثة 00 يستخرج أوراق 00 ينظر فيها ثم يرميها 00) الله ما فييش حاجة 00 فين الفلوس

نبيل

انت بتعمل أيه يا جدع انت وهو 00 حرام عليكم

شحاتة ( يمسك بتلابيبه)

00 فين الفلوس

نبيل ( يدفعه بيديه)

فلوس أيه00 ما تتكلم كويس

شحاتة ( يلكمه فى وجهه)

نبيل ( الدم يسيل من انفه)000

انا موش فاهم حاجة

زين

هتستعبط علينا ياله00 قول فين الفلوس00( يركله بقدمه )

نبيل

والله ما اعرف انتوا بتتكلموا عن إيه

شحاتة

برضه هيسوق الاستعباط

زين

فلوس أيه ياخويا 00 الفلوس اللى كانت مع على

نبيل

أنا ما أعرفشى حاجة عن الفلوس اللى بتتكلم عليها

زين

أمال مين اللى قتله

نبيل

وأعرف منين

زين

وعرفت اسمه منين

نبيل

هو اللى قال لي قبل ما يموت

شحاتة وما قال لكشى على اللى قتله وسرق الفلوس

نبيل

ما لحقشى يقول على اى حاجة غير إنه على عويس وتاجر مواشي 00 واكتر من كده 00 والله ما أعرف حاجه

شحاتة

لو ما قلتيش فين الفلوس هاخليك تحصله

نبيل

وهتستفيد أيه إذا كنت هتروح فيها

زين

ما فييش فايدة يا شحاتة 00 نسلمه للمركز وهو هيتصرف معاه

شحاتة

وفلوسنا 00 نفتشه يمكن يكون مخبيها

نبيل

يا إخواننا انتوا فاهمين غلط 000 غلط اللى بتعملوه ده

شحاتة

( يفتشه00 يبدأ بجيوب الجاكت 00 يخرج أوراق المحفظة 00 سجائر 00 يرميهم على الأرض 00 يفتش جيوب البنطلون 00)

زين

ما لقيتش حاجة الظاهر انه له شريك وهرب بالفلوس معاه

زين

( يلكم نبيل ) 00 قول هربت الفلوس مع مين 00( يضربه فى بطنه)

نبيل ( يتوجع )

حرام عليكم 00انا ما أعرفشى حاجة 00 لا فلوس 00 ولا الشريك اللى بتقولوا عليه ده

زين

معناه إيه إننا نلاقى على عويس مقتول والفلوس مسروقة00 وسيادتك واقف جنبه

نبيل

انا كنت ماشى فى الطريق الزراعي وسمعت واحد يستنجد بيا 00 رحت له 00 لقيته مات 00 وعلى ما فكرت إني أروح أبلغ لقيتكوا جيتوا

شحاتة ( يتركه ويدفعه على الأرض )

وأيه اللى يمشيك فى الطريق الزراعي فى ساعة زى دى 00 دى الساعة داخله على واحدة

نبيل

ولو إن السؤال ده موش من حقك00 انا كنت جاى من فرح واحد صاحبي فى القرية اللى فى البر التانى( يحاول النهوض0000 )

شحاتة

وهناك من الكلام ده ( يركله برجله)

نبيل ( يقع على الأرض) 00 صدقوني 00 هو ده كل اللى حصل

شحاتة

أيه رأيك يا زين

زين

هتسألنى رأيي برضه00 هو موش عاوز يتكلم 00 يبقى نسلمه للمركز وهو يشوف شغله معاه

نبيل

مركز 00 بس أنا ما قتلتوش 00 صدقوني

شحاتة

إبق قول الكلام قدام البيه المأمور

شحاتة

(يفك حزام من وسطه) 00 نكتفه بالحزام ده وانت تستني معاه لغاية ما أخطف رجلي للمركز

نبيل ( يحاول المقاومة 00 يهجم عليه شحاتة 00 يحاول تقييده بالحزام يلكمه نبيل فى بطنه00ويركل زين بقدمه00)

زين ( ينهض من على الأرض ويهجم على قدميه)

شحاتة ( يمسك بنبيل 00 زين يضربه ضربات متتالية 00 يتمكن شحاتة من نبيل 00 يناول شحاتة الحزام )

يالله قيده

زين ( يلف الحزام حول يديه 00 يضغط بقوه 00) وهنسيب رجليه 00 ممكن يهرب

شحاتة

وهيهرب ازاى00 مانت مادمت انت معاه

زين

الاحتياط واجب برضه ( يفك الكرافتة) نربط رجليه بالسلبه اللى معلقها على سدره دى

شحاتة

والله فكرة ( يمسك رجليه 00 يلف الكرافتة حولهما)

نبيل

يا إخواننا اللى بتعملوه ده غلط

زين

غلط إيه يا روح امك00 ليه غلطنا فى البخارى00 قتال قتلة ومقبوض عليه

شحاتة

يا بويا ع البجاحة ( ينصرف من اليسار )

نبيل صدقني 00 هتندموا 00 وهتدفعوا الثمن غالى

زين

يامه خوفتني يا شيخ 00 اسكت ياله بدل ما أزنك

نبيل

انتوا ليه موش مصدقينى 00 عنديكوا حق 00 وانا اللى استاهل00 أيه اللى خلاني أقف 00 عملت فيها شهم ووقفت 00 قام جاني قضايا وبقيت قتال قتلة 00 إزاى ما اعرفش 00 وأنا اللى كنت ماشى ومبسوط وبأفول أنى حققت كل احلامى 00وىدى حلم منهم 00 وادينى هاشرف فى أبو زعبل وموش بعيد أتعدم كمان فى جريمة مالييش يد فيها

زين

انت هاتاكلنى الاونطة00 وهتعيش لي فى دور خضرة الشريفة 00 وإنك بريء

نبيل

بكرة الحقيقة تبان

زين

ما هي واضحة قدامنا زى الشمس

نبيل

انت شايف اللى قدامك 00بس بعد التحقيق والتحريات هتعرف إنك كنت غلطان

( يسمع صوت سيارة عن بعد من اليمين 00 تقف السيارة فى منتصف المسرح 00 ينزل ضابط برتبة مقدم ومجموعة من العسكر 00 ومعهم شحاتة )

شحاتة ( يشير إلى نبيل المقيد)

هو ده القاتل يا سعادة الباشا

الضابط

ومين ده كمان

زين

أنا زميل شحاتة يا بيه 00 اللى كنت معاه

الضابط

يالله كلكوا قدامى00 وفك أخينا ده يا عسكرى00 ( يفك أحد العسكر نبيل )

زين

وإحنا كمان يا بيه

الضابط

انت وصاحبك وأخينا

زين

وإحنا عملنا إيه يا باشا

الضابط

هنعرف اللى عمل واللي ما عملش لما التحقيق ياخد مجراه 00 وكل واحد هياخد حقه ( يدخل زين ونبيل وشحاتة إلى السيارة )

الضابط

يا شاويش سيد خليك انت وواحد من العساكر على بال ما تيجى الإسعاف ( تتحرك السيارة من اليمين وتختفي عن الأنظار 00000)

ويسدل الستار تدريجيا

الخميس 5 جمادى الأولى 1422

26 /7/2002 بورسعيد

وأنا كان مالي

وأنا كان مالي

رد: وأنا كان مالي

رد: وأنا كان مالي