منتديات عطا درغام - جديدة المنزلة


انضم إلى المنتدى ، فالأمر سريع وسهل

منتديات عطا درغام - جديدة المنزلة
منتديات عطا درغام - جديدة المنزلة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
بحـث
 
 

نتائج البحث
 


Rechercher بحث متقدم

المواضيع الأخيرة
» إبراهيم محمد علي إمبابي........مقاتل وشاهد من زمن الحروب
أحزان بلا دموع Emptyالثلاثاء 8 سبتمبر 2020 - 19:40 من طرف عطا درغام

» نادر المشد..زارع الألغام في حرب النصر
أحزان بلا دموع Emptyالجمعة 23 أغسطس 2019 - 0:41 من طرف عطا درغام

» محمد أبو النور سماحة...صانع كباري النصر
أحزان بلا دموع Emptyالجمعة 23 أغسطس 2019 - 0:38 من طرف عطا درغام

» معروف طويلة.... رجل من زمن تصنع فيه الشدة الرجال
أحزان بلا دموع Emptyالجمعة 23 أغسطس 2019 - 0:35 من طرف عطا درغام

» يوم خيم الظلام بسواده علي القرية
أحزان بلا دموع Emptyالجمعة 23 أغسطس 2019 - 0:26 من طرف عطا درغام

» ديسمبر الأسود في جديدة المنزلة
أحزان بلا دموع Emptyالجمعة 23 أغسطس 2019 - 0:22 من طرف عطا درغام

» الكوليرا في جديدة المنزلة عام 1947 وفصل من تاريخ مآسي القرية في عصور الأوبئة
أحزان بلا دموع Emptyالجمعة 23 أغسطس 2019 - 0:21 من طرف عطا درغام

» يوسف ضبيع ... العمدة الشعبي لجديدة المنزلة
أحزان بلا دموع Emptyالخميس 20 يونيو 2019 - 21:11 من طرف Admin

» تاريخ الثقافة في جديدة المنزلة
أحزان بلا دموع Emptyالإثنين 17 يونيو 2019 - 20:32 من طرف Admin

» مفردات رمضان في جديدة المنزلة
أحزان بلا دموع Emptyالإثنين 17 يونيو 2019 - 20:31 من طرف Admin

 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث

أحزان بلا دموع

اذهب الى الأسفل

أحزان بلا دموع Empty أحزان بلا دموع

مُساهمة من طرف عطا درغام السبت 25 أبريل 2009 - 8:31

أحـــزان بـــلا دمــــــــــوع

صورة من كفاح الشعب الفلسطيني ضد قوى الظلم والطغيان ...........وتم تمثيلها علي مشرح مدرسة هيئة قناة السويس الخاصة ببورفؤاد في 9/4/2008


الشخصيات
فداء
ياسر
باسم
محمد الدرة
جمال الدرة
غسان
ليلى
الضابط
جنود يهود
رجال فلسطينيون
الكورس


مشهد تمهيدي
المسرح عار تماما 00 يدخل الكورس حاملين نعشا 00 ينزلونه وسط المسرح 00 يصطفون عل الجانبين

الكورس
امتى ييجى النور 00 ويبدد ظلام من بعد طول انتظار وإحنا يا عرب بننادى الظلم لسه في بلادي 00 ولاد صهيون شردوا ولادى 00 قتلوا 00 نهبوا 00 سرقوا 00 والعم سام بيدارى 00 على جرايم كتير مالهاش نهاية 00 يا ظلم لو كنت ليل اوعى ما يكون لكشى آخر00 يا أهل بلادي واخوانى 00 ضاعت بلادي ضاعوا ولادى 00 اصحوا بقى 00 قوموا 00 فوقوا 00 لو كانت أيدين الظلم طويلة مسيرها في يوم توصل لكوا
( يتحرك الجسد فوق النعش 00 ينهض 00 يتقدم إلى مقدمة المسرح ويخاطب الجمهور 0)00
الجسد
( يخاطب الجمهور ) ما تستغربش 00 موش دى البداية 00 ولا دى النهاية00 حكايتنا طويلة 00 اتحكت بالكفاح والدم 00 وشهداءنا 00 في دير ياسين وصابرا وشاتيلا 00 وقانا 00 والأقصى بيصرخ دم موش دموع 00 يصرخ بينا دى
الكورس
انتوا فين ياعرب 000
انتوا فين يا عرب000
الجسد
ومنين نجيب العرب من بعد ما انشغلوا بالخلافات 00 واتحكم فيهم غريب 00 قال أيه يحمى الأخ من أخوه00 وإحنا ليه نسيبه يتحكم فينا00 يتمتع بخيرنا ويديه لغيرنا 00 يشترى به سلاح ويضرب ولادنا
الجسد
اوعى نبكى ع اللي فات ونخلينا في اللي جى 00 قبل ما ييجى الدور عليكوا00 دى الحكايات هيفبركزهاوفى تأليفها دول أساتذة00 استني عندك فيه سلاح00 ما أعرفشى أيه بيجيب دمار
الجسد
ويبعتوا قال أيه مفتشين00 ويخلونا من غير سلاح00 عشان الكلاب تبطل نباح00 ويا ويلنا لو قلنا آه00 ويا خوفي من اللي جى 00 ويا خوفي من اللي جى 00 واصحوا بقى يا عرب00 اصحوا بقى يا عرب
( يعود للنعش مرة أخرى 00 يحمله الكورس 00 ويسير في مشهد جنائزي حزين00 ومصحوبة بموسيقى حزينة
ستار

عطا درغام
Admin

عدد المساهمات : 923
تاريخ التسجيل : 24/04/2009

الرجوع الى أعلى الصفحة اذهب الى الأسفل

أحزان بلا دموع Empty رد: أحزان بلا دموع

مُساهمة من طرف عطا درغام السبت 25 أبريل 2009 - 8:32

المشهد الأول
أصوات رصاص00 دبابات 00 طائرات00 يفتح الستار على إطلال بيوت مهدمة فوضى في المسرح 00 أطفال يلعبون

فداء
ليش ما روحتوا المدرسة اليوم يا شباب
باسم
وكيف نروح 00 والمدرسة أتهدمت 00 ما خللوا فيها شي 00 لا دكه نجعد عليها 00 ولا حتى جدار يحمينا
فداء
ودا اللي بيريدوه 00 ليش ندى الفرصة لابن صهيون يحرمنا حتى من أبسط حجوجنا
ياسر
وايش نعمل يا فدا 00 وإحنا ما جادرين نخطي لهناك
فداء
وهى دى أخلاجنا يا ولاد صلاح الدين
محمد
وينو صلاح الدين000 والعرب تركونا للديابة وبقينا زى الغنم من غير راعى
فداء
إحنا ما نجل عن اللى راحوا00 واللي ماتوا لاجل ما تبجي فلسطين
باسم
وايش بايدينا
فداء
إيمانك 00 حياتك 00 تهون لأجل غيرك يعيش 00 إحنا ما نجل عن وفاء ولآيات 00 ويرخص الدم لجل الأرض
محمد
كلامك والله زين يا بنت العم00 ولاما بدنا نجصر 00 لازم نضحي بأغلى شي ( يسمع صوت غناء وموسيقى خلف المسرح تقترب شيئا فشيئا ياسر
ايش نسمع
محمد
دا فرح ولد العم غسان
فداء
زين والله زين 00 ما ينسينا الهم أفراحنا
ياسر
ياله يا شباب نشاركهم فرحتهم
( يقترب الصوت شيئا فشيئا حتى يدخل المسرح غسان وعروسه ليلى 00 تزفهم الفرقة الموسيقية بالدفوف وحولهم الأهل 000 )
صوت المغنيين
زين والله زين 00 فرحنا هذا زين00 يأهل الحي 00 يا أهل الحي 00 فرحنا هذا زين00 ( ينضم فداء وياسر ومحمد وباسم للفرح 000 ) زين والله زين 00 فرحنا هذا زين 00 يا أهل الحي 00 فرحنا هذا زين
( فجأة تنهمر رصاصات من كل مكان 00 قنابل ترمى 000 أصوات هليكوبتر 000 فوضى في المسرح 00 صرخات 00 قتلى 00 غسان يقع مضرجا في دمائه 00 ترتمي عليه ليلى ليلى
يا زوجي 00 قتلوك اليهود 00 يا حزني عليك يا غسان 00 ما تركوا لي شيء 00 ونجشى لسه في ايدى ما جف يا غسان 00 وما هنونى على بوى ولا خوي 00 حتى طالتك رصاص الغدر يا غسان 00 ( ترتمي عليه 00 )

ستار

عطا درغام
Admin

عدد المساهمات : 923
تاريخ التسجيل : 24/04/2009

الرجوع الى أعلى الصفحة اذهب الى الأسفل

أحزان بلا دموع Empty رد: أحزان بلا دموع

مُساهمة من طرف عطا درغام السبت 25 أبريل 2009 - 8:33



المشهد الثاني
دائرة ضوئية تركز على باسم وياسر ومحمد وفداء يتحاورون

محمد
انتى لسه صغيرة يا فداء 00 أمك المريضة عاوزاكى
فداء
لها رب يا محمد 00 لازم أنتجم لكل طفل فلسطيني جتلوه00 ولكل أم اترملت00 عشان بلدى00 وعشان العروبة تفوج
باسم
خدينى معاكى 00 موش عاوز أتحرم من اللحظة دى
فداء
لسه دورك جى00 ليه كلنا نروح دفعة واحدة 00 أنا اليوم 00 انت بكرة 00 محمد بعده00 ياسر بعده 00 وما نهنيهم على شيء
ياسر
والله ما يهدا لي بال 00 ولا ييجى لي نوم جبل ما خد بطار غسان وكل عريس جتلوه في ليله عرسه
فداء
وإحنا ما بنموت ولا بنستسلم أبدا
( تلف فداء حول وسطها حزام تضع فيه عبوات صغيرة يفهم أنها متفجرات 00 ثم ترتدي عباءة فوقها 00 تلف شريط على رأسها مكتوبا عليه لا إله إلا الله محمد رسول الله00 ويسمع صوت سيارة مقبلة عن بعد
فداء
استودعكم الله 00 أشهد أن لا إله إلا الله وأشهد أن محمد رسول الله
الجميع
الله معك يا فداء 00 ‘لي جنة الخلد يا أختاه00 إلى الفردوس يابنت عمر 00 إلى الفردوس يا أخت صلاح الدين
00 ( يختبئ الجميع مسرعين في الكواليس 00 تقترب السيارة 00 تفتح فداء الحزام 00 يحدث انفجار هائل يهز المكان 00 جثث متناثرة 00 دخان كثيف 00 صوت المذيع من خلف المسرح 000 )
المذيع
أيها السيدات والسادة نذيع عليكم هذا النبأ الهام 00 لقد شهدت الاراضى الفلسطينية المحتلة اليوم عملية استشهادية قامت بها الفتاة الفلسطينية فداء العربي 00 ونجمت العملية عن استشهادها ومصرع خمسة عشر إسرائيليا وإصابة عشرة آخرين 0000
( ولا تحسبن الذين قتلوا في سبيل الله أمواتا بل أحياء عند ربهم يرزقون 00 ) وإنا لله وأنا إليه راجعون

عطا درغام
Admin

عدد المساهمات : 923
تاريخ التسجيل : 24/04/2009

الرجوع الى أعلى الصفحة اذهب الى الأسفل

أحزان بلا دموع Empty رد: أحزان بلا دموع

مُساهمة من طرف عطا درغام السبت 25 أبريل 2009 - 8:35


المشهد الثالث
منازل متهدمة 00 فوضى في المسرح 00 المسرح مليء بالجنود الإسرائيليين على يسار ويمين المسرح .. بين الفينة والأخرى يظهر جندي إسرائيلي يمسك بفلسطينى00 ويصطفوهم بالناحية اليمنى للمسرح ووجوههم للحائط وأيديهم مرفوعة00 يظهر جندي ضخم نفهم من ملابسه أنه ضابط

الضابط
موش هتعترفوا يا ولاد الكلب ( يضرب أحدهم بالقدم )
الرجل ( يصرخ )
الضابط ( يضرب آخر )
الآخر ( يصرخ )
الضابط
يا شوية إرهابيين
( يرد عليه رجل)
الرجل
ولما نكون إحنا ارهابيين تكونوا انتوا ايش
الضابط
( يرفع مسدسه ويصوبه ناحية رأسه ) اخرس يا كلب
( يقع الرجل قتيلا 00 وفى الناحية الأخرى نجد مصورا يصور بكاميرا فيديو 0000 ) أبعدوه 000 العالم فاكر إن إحنا بتوع سلام
( يهجم جندي اسرائيلى على المصور ويخطف الكاميرا ويطرق رأسه في الحائط حتى يغمى عليه
الضابط ( يشير لجثة الرجل القتيل )
ده مصير كل أرهابى 00 وكل واحد بيساعد اللي بتقولوا عليهم مقاومة00 مقاومة ايه00 انا موش عارف بتكرهونا ليه00 إحنا هنا عشان نحميكم 00 ونعر فكوا الحضارة والديمقراطية00 انتوا ما تعر فوش حاجة00 انتوا شوية رعاع( يمسك رجل من شعره ) تقدر تقول لى أحنا هنا عشان نحميكوا 00 ماتنكرش
الرجل
وأنكر ليه00 وانتوا فعلا بقيتوا واقع واتفرض علينا ( يدفعه الضابط إلى الحائط )
الضابط
انتوا شوية أغبياء وتساعدوا الإرهابيين دول اللي شوهوا صورتكوا قدام العالم وبيموتوا نفسهم00 قال أيه شهدا00 دول أغبيا00 فيه حد ينتحر00 ارقد يالله انت وهو ( يصرخ فيهم 0)
يالله ارقد 00 0 يتناول بندقية من أحد الجنود 00 يسحب الإبرة ويضربهم بالرصاص000 يموتون 000 الجنود يضحكون ويضحك معهم فى هستريا
الضابط
تعيش إسرائيل 00 تعيش الإمبراطورية الكبرى من النيل إلى الفرات 00 يعيش الحلم اليهودي
الجنود
( يرددون خلفه ) 00 ( فجأة يظهر أطفال على جانبي المسرح ويرددون 0000)
الأطفال
يسقط اليهود 00 يسقط الصهاينة 00 تسقط إسرائيل00 بسقط الحلم اليهودي 0000 تحيا العروبة 00 تحيا العروبة
( يقذفون الجنود بالحجارة من كل مكان
الضابط
اخرسوا العيال دى00 0 يتفرق الجنود فى المسرح00 صوت طلقات رصاص 00 يتصادف مرور محمد ووالده جمال 000 )
جمال ( يصرخ )
حرام عليكوا 00 كفاية يا ظلمة00 كفاية ( يجرى هو وابنه محمد الذي يصرخ ويبكى00 يختبئان خلف برميل 00 جمال يشير لهم بأن يكفوا 0000 )
جمال
كفاية 000 كفاية ( يقع محمد مغشيا عليه00 يموت 00 يغمى على جمال00 صوت طلقات رصاص ترتطم بالبرميل 000 ويدخل الكورس يحمل نعشا فارغا00 يضع عليه جثة محمد الدرة ويغطونه بالعلم الفلسطينى00 ويغطوا جثث الشهداء بعلم كبير 000000 ) الكورس
ارهابيين 00 بيقولوا علينا ارهابيين 000 دول خللوا للحقيقة ألف وجه 00 والحقيقة ما لهاش غير وجه واحد00 والحق مسيره يرجع لصاحبه في يوم 0000 (يحملون النعش في مشهد جنائزي حزين 00000 )

عطا درغام
Admin

عدد المساهمات : 923
تاريخ التسجيل : 24/04/2009

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى